Actress Payal Ghosh : १२ जून हा दिवस देशवासीयांसाठी मन्न सुन्न करणारा ठरला. अहमदाबाद येथे विमान दुर्घटेची दुर्देवी घटना घडली असून, विमानातील २४२ प्रवाशांपैकी २४१ जणांचा मृत्यू झाला. यामध्ये २३० प्रवासी आणि १२ क्रू सदस्यांचा समावेश होता. दैवबलवत्तर म्हणून एक प्रवासी या दुर्घटनेतून बचावला आहे.

अहमदाबादहून लंडनकडे जाणाऱ्या एअर इंडियाच्या AI171 या फ्लाइटचा टेकऑफदरम्यान अपघात झाला. अहमदाबाद विमान अपघातानंतर जगभरातून दुःख व्यक्त करण्यात येत आहे. या दुर्घटेनेत अनेकांनी आपल्या जवळच्या व्यक्तींना गमावले आहे. या अपघातात बॉलीवूड अभिनेत्री पायल घोषच्याही जवळच्या व्यक्तीचे निधन झाले असून, तिने सोशल मीडियावर एक पोस्ट करत याबाबत माहिती दिली आहे.

RIP प्रिती, माझ्या भावना चॅटर्जी कुटुंबासोबत आहेत.#AhmedabadPlaneCrash असे तिने पोस्टमध्ये लिहिले आहे. प्रिती चॅटर्जी ही पायल घोषची जवळची मैत्रिणी होती. तिच्या अचानक निधनामुळे अभिनेत्री पायल घोषला मोठा धक्का बसला आहे. या घटनेनंतर तिच्या कुटुंबियांनी सावरण्यासाठी बळ मिळो, असे देखील पायलने पोस्टमध्ये म्हटले आहे.

अहमदाबाद येथील विमान दुर्घटनेनंतर जगभरातील दुःख व्यक्त करण्यात येत आहे. अनेकांनी आपल्या जवळच्यांना व्यक्तींना या दुर्देवी दुर्घटनेत गमावले आहे. नुकत्च देशाचे पंतप्रधान नरेंद्र मोदी यांनी घटनास्थळाची पाहणी करत बैठक घेतली आहे. तसेच या अपघातातून वाचलेल्या एकमेव व्यक्तीची भेट घेत त्याच्या तब्येतेची विचारपूस केली आहे.

बॅालीवूड इंडस्ट्रीमधील अनेक सेलिब्रिटींनी पोस्ट लिहित आपल्या घटनेत मृत पावलेल्या कुटुुंबीयांच्या प्रती आपल्या संवेदना व्यक्त केल्या आहेत. अहमदाबादवरुन लंडनला जाणाऱ्या एअर इंडियाचे विमान काल ज्या इमारतीवर पडले, ती इमारत शासकीय रुग्णालयाचे हॉस्टेल होते. या इमारतीमधीलही काही मुलांचे निधन झाले असल्याची देखील बातमी देखील समोर आली आहे.

हेही वाचा: ३७ वर्षांपूर्वीही अहमदाबाद विमानतळावर झाला होता भीषण अपघात ; १३५ प्रवाशांचे विमान झाले होते क्रश