Newasa News : नेवासे तालुक्यात यंदा अत्यल्प पाऊस, पावसाचा दीर्घ खंड आणि तीव्र पाणीटंचाईमुळे शेतकरी हवालदिल झाला आहे. या दुष्काळाचा सर्वात मोठा फटका ऊस पिकाला बसला असून, पाण्याअभावी उसाची वाढ खुंटणे, कांड्यांची लांबी व जाडी कमी होणे, ऊस बारीक पडणे आणि वजन घटल्याने एकरी उत्पादनात मोठी घट झाली आहे. यामुळे ऊस उत्पादक शेतकरी मोठ्या आर्थिक संकटात सापडला आहे. (Newasa News)

या पार्श्वभूमीवर केवळ पूर्णपणे वाळलेल्या उसाचेच नव्हे, तर पाण्याअभावी वाढ खुंटलेल्या व उत्पादनक्षमतेवर परिणाम झालेल्या ऊस पिकाचेही पंचनामे करण्यात यावेतअशी आग्रही मागणी आमदार विठ्ठलराव लंघे – पाटील यांनी कृषिमंत्री ना. दत्तात्रय भरणे यांच्याकडे केली होती. (Newasa News)

पालकमंत्री ना.राधाकृष्ण विखे पाटील यांच्या उपस्थितीत सादर करण्यात आलेल्या या निवेदनाची कृषिमंत्री भरणे यांनी तात्काळ दखल घेतली असून दुष्काळामुळे नुकसान झालेल्या ऊस पिकाचे पंचनामे करण्याचे स्पष्ट निर्देश जिल्हाधिकाऱ्यांना दिले आहेत. (Newasa News)

या निर्णयामुळे नेवासा तालुक्यासह जिल्ह्यातील हजारो ऊस उत्पादक शेतकऱ्यांना मोठा दिलासा मिळणार आहे. पंचनामे झाल्यानंतर नुकसानग्रस्त ऊस उत्पादक शेतकऱ्यांना शासनाकडून आर्थिक मदत मिळावी, यासाठीही आमदार लंघे पाटील यांनी पाठपुरावा सुरू ठेवला आहे. (Newasa News)

दरम्यान, कृषिमंत्र्यांच्या या निर्णयाचे ऊस उत्पादक शेतकऱ्यांमधून स्वागत होत असून, लवकरच प्रत्यक्ष शेतात जाऊन पंचनाम्याची कार्यवाही सुरू होणार आहे. (Newasa News)