Shruti Haasan : २०२५ या वर्षातील सर्वात बहुचर्चित आणि दाक्षिणात्य सुपरस्टार रजनीकांत यांची मुख्य भूमिका असलेला कुली या चित्रपटाची प्रेक्षक मोठ्या आतुरतेने वाट पाहत आहेत. या चित्रपटात महत्वाच्या भूमिकेत अभिनेत्री श्रृती हसन पाहायला मिळणार आहे. लवकरच हा चित्रपट रिलीज होणार असून नुकताच या चित्रपटाच्या पार्श्वूमीवर श्रृतीला रजनीकांत सोबत काम करतानाचा अनुभव कसा होता, असा प्रश्न एका मुलाखती दरम्यान विचारण्यात आला. या प्रश्नावर तिने खूप सुंदर उत्तर दिले आहे. चित्रपट करण्यापूर्वी ती रजनीकांत यांना तिचे वडील कमल हासन यांच्या दृष्टिकोनातून ओळखत होती, परंतु चित्रपटाच्या चित्रीकरणादरम्यान तिला रजनीकांतची एक वेगळी बाजू पाहायला मिळाली असल्याचे तिने सांगितले. श्रुती म्हणाली, “माझे वडील आणि रजनीकांत हे तमिळ चित्रपटाचे दोन आधारस्तंभ आहेत. चित्रपटात त्यांच्यासोबत काम करण्यापूर्वी मी त्यांना लोकांच्या नजरेतून ओळखत होते. मला माहित आहे की लोकांना वाटायचे की मी त्यांच्या जवळ आहे, पण प्रत्यक्षात मी त्यांना (रजनीकांत) माझ्या वडिलांच्या दृष्टिकोनातून ओळखत होते. शूटिंग दरम्यान, त्यांना जवळून ओळखणे हा माझ्यासाठी एक वेगळा अनुभव होता.” रणवीर इलाहाबादियाच्या पॅाडकास्टमध्ये श्रृतीने तिचा अनुभव शेअर केला. पुढे ती म्हणाली, “जेव्हा मी त्यांच्यासोबत कुलीमध्ये काम केले, तेव्हा मला कळले की त्यांच्यात अनेक अद्वितीय गुण आहेत. ते सेटवर नेहमीच चांगली आणि सकारात्मक ऊर्जा घेऊन येत असत, यामुळे प्रत्येकजण त्यांच्यासोबत काम करण्यास आनंदी असायचा”. लोकेश कनागराज दिग्दर्शित ‘कुली’ हा चित्रपट १४ ऑगस्ट २०२५ रोजी प्रदर्शित होणार आहे. रजनीकांत आणि श्रुती हासन व्यतिरिक्त, या चित्रपटात नागार्जुन, उपेंद्र, सौबिन शाहीर आणि सत्यराज सारखे दिग्गज कलाकार देखील आहेत. याशिवाय चित्रपटात बॅालीवूडचा अभिनेता आमिर खान देखील कॅमिओमध्ये पाहायाला मिळणार आहे. हेही वाचा : छांगुर बाबाचे मोठे खुलासे ! “८ बँकांमध्ये खाते …अनेक महिलांसोबत संबंध…” ; अशा प्रकारे उभारले कोट्यवधींचे साम्राज्य
