Baramati and Rahuri bypoll 2026 : बारामती आणि राहुरी पोटनिवडणुकीसाठी 9 एप्रिल हा उमेदवारी अर्ज माघारी घेण्याचा शेवटचा दिवस असल्याने राजकीय घडामोडींना वेग आला. अखेरच्या दिवशी झालेल्या नाट्यमय निर्णयांमुळे दोन्ही मतदारसंघांतील अंतिम लढतीचे चित्र स्पष्ट झाले आहे. बारामती विधानसभेत आता एकूण 23 उमेदवार रिंगणात असणार आहेत. विशेष म्हणजे, यापैकी केवळ 10 उमेदवार हे बारामती मतदारसंघातील असून उर्वरित 13 उमेदवार सोलापूर, अंबरनाथ, उल्हासनगर, कल्याण आणि पुणे परिसरातील आहेत. अर्ज माघारी घेण्याच्या शेवटच्या दिवशी तब्बल 30 उमेदवारांनी अर्ज मागे घेतले. काँग्रेसनेही बारामतीतून माघार घेतल्याची घोषणा प्रदेशाध्यक्ष हर्षवर्धन सपकाळ यांनी मुंबईत केली. मात्र, काँग्रेसच्या माघारीनंतरही ही निवडणूक बिनविरोध होणार नाही, हे स्पष्ट झाले आहे. या निवडणुकीत अभिजित बिचुकले आणि करुणा शर्मा मुंडे या दोन नावांची विशेष चर्चा रंगली आहे. हे दोघेही बाहेरील उमेदवार असल्याने सुनेत्रा पवार यांच्यासमोर ते कितपत आव्हान उभे करू शकतील, याबाबत अनिश्चितता व्यक्त केली जात आहे. दरम्यान, राहुरी विधानसभा पोटनिवडणुकीत एकूण 7 उमेदवार अंतिम रिंगणात आहेत. सुरुवातीला 30 जणांनी उमेदवारी अर्ज दाखल केले होते, त्यापैकी 23 जणांनी माघार घेतली. राहुरीत मुख्य लढत भाजप, वंचित बहुजन आघाडी आणि राष्ट्रवादी काँग्रेस (शरद पवार गट) यांच्यात होण्याची शक्यता असून तिरंगी सामना रंगण्याची चर्चा आहे. बारामती आणि राहुरी पोटनिवडणुकीसाठी 23 एप्रिल रोजी मतदान होणार असून 4 मे रोजी निकाल जाहीर होणार आहे. बारामती पोटनिवडणुकीतील उमेदवार कोण? 1) सुनेत्रा अजित पवार 2) प्रा. आर. वाय घटूगडे सर 3) सतीश कृष्णा कदम 4) डॉ. अभिजीत बिचुकले 5) अॅड. अविनाश गायकवाड 6) करुणा धनंजय मुंडे 7) गजानन पाटील 8) चंद्रकांत रांगाजी मोटे 9) चंद्रकांत वाघमोडे 10) दत्तात्रय बेदरे 11) बाळासो मारुती धापटे 12) मिथुन सोपान आटोळे 13) मंगलदास तुकाराम निकाळजे 14) योगेश मोहन उल्हासनगर 15) भोसले रोहित राजू 16) डॉ. विजयकुमार रामचंद्र भिसे 17) विराज महादेव शिंदे 18) शिवाजी कोकरे 19) सतीश सोनवणे 20) सागर शरद भिसे 21) साजन भगवान आडसुळ 22) सीताराम विठ्ठल रणदिवे 23) सोनाली राणे राहुरी पोटनिवडणूक उमेदवारांची नावे 1अक्षय कर्डिले – भाजप 2 गोविंद मोकाटे – राष्ट्रवादी काँग्रेस (शरद पवार गट) 3 संतोष चोलके – वंचित बहुजन आघाडी 4 रावसाहेब खेवरे 5 अनिल जाधव 6 जलिंदर घीगे 7 एक अपक्ष उमेदवार हेही वाचा : Satara News : सातारा पालिकेचा मोठा ‘गेम’? उच्च न्यायालयाचा आदेशही सात वर्षे फाईलबंद!
