‘द कश्मीर फाइल्स’च्या यशानंतर दिग्दर्शक विवेक अग्निहोत्री यांनी ‘दिल्ली फाइल्स’ या त्याच्या नव्या चित्रपटाची घोषणा केली आहे. ‘द काश्मीर फाइल्स’ हा चित्रपट हिट ठरला आहे. या चित्रपटाने बॉक्स ऑफिसवर धमाकेदार कमाई केली आहे. द काश्मीर फाइल्समधील काश्मिरी पंडितांची कहाणी पाहून सगळेच भावूक झाले. या चित्रपटाच्या यशानंतर दिग्दर्शक विवेक रंजन अग्निहोत्री यांनी त्यांच्या नव्या प्रोजेक्टची घोषणा केली आहे. ते आता दिल्ली फाईल्स बनवणार असून लवकरच या प्रोजेक्टवर काम सुरू करणार आहेत.

I thank all the people who owned #TheKashmirFiles. For last 4 yrs we worked very hard with utmost honesty & sincerity. I may have spammed your TL but it’s important to make people aware of the GENOCIDE & injustice done to Kashmiri Hindus.

It’s time for me to work on a new film. pic.twitter.com/ruSdnzRRmP

— Vivek Ranjan Agnihotri (@vivekagnihotri) April 15, 2022

विवेक अग्निहोत्री यांनी शुक्रवारी त्यांच्या ट्विटर हँडलवरून त्यांच्या नवीन चित्रपटाची घोषणा केली आहे. त्यांनी ‘द काश्मीर फाइल्स’ पाहणाऱ्या लोकांचे आभार मानले आणि लिहिले-, माझ्यासाठी नवीन चित्रपटात काम करण्याची वेळ आहे. TheKashmirFiles पाहणाऱ्या सर्व लोकांचे मी आभार मानतो. मी गेली 4 वर्षे प्रामाणिकपणे खूप मेहनत केली आहे.

विवेक अग्निहोत्री यांनी पुढे लिहिले- मी कदाचित तुमचा TL स्पॅम केला असेल, पण काश्मिरी हिंदूंवर होणारा नरसंहार आणि अन्याय याबद्दल लोकांना जागरुक करणे महत्त्वाचे आहे. आता माझ्यासाठी नवीन चित्रपटात काम करण्याची वेळ आली आहे.

विवेक अग्निहोत्रीने गेल्या वर्षीच या चित्रपटाची घोषणा केली होती. त्यांनी चित्रपटाचे मोशन पोस्टरही रिलीज केले होते. पोस्टरमध्ये अशोकाचे चिन्ह एक शीख बालक दिसत आहे. अशोक चिन्ह लाल रंगाचे आहे. ज्यावर राईट टू लाइफ असे लिहिले होते.

विवेक अग्निहोत्रीच्या ‘द कश्मीर फाइल्स’ या चित्रपटाविषयी सांगायचे तर हा चित्रपट 11 मार्च रोजी थिएटरमध्ये प्रदर्शित झाला. या चित्रपटाने 250 कोटींहून अधिकचा व्यवसाय केला आहे. अनुपम खेर, मिथुन चक्रवर्ती, पल्लवी जोशी आणि दर्शन कुमार या चित्रपटात महत्त्वाच्या भूमिका साकारताना दिसले आहेत.