Naresh Maske : गेल्या काही दिवसांपासून एकमेकांवर राजकीय नेते मंडळी एकमेकांवर टीका करताना राजकीय स्तर घसरल्याचं दिसत आहे. नेत्यांनी एकमेकांवर टीका करताना किमान शब्दांचे भान वापरले गरजेचे आहे. पण तसं होताना दिसत नाही. दिवसेंदिवस एकमेकांवर टीका करताना भाषेचा स्तर घसरत चाललेला आहे. नुकतचं भाजप आमदार गोपीचंद पडळकर यांनी राष्ट्रवादी काँग्रेस पक्षाचे माजी प्रदेशाध्यक्ष आणि आमदार जयंत पाटील यांच्यावर टीका करताना अत्यंत खालचे शब्द वापरले होते. त्यानंतर आता शिवसेना शिंदेंच्या एका खासदाराने उबाठाचे खासदार संजय राऊत यांच्यावर टीका करताना भाषिक पातळी ओलांडली आहे. उबाठाचे खासदार संजय राऊत यांनी शिवेसेना शिंदे गटाकडून आनंद दिघे यांचा हिंदूहृदयसम्राट बाळासाहेब ठाकरे यांच्या शेजारी लावत असलेल्या फोटोवर विधान केलं होतं. या कारणामुळे दोन्ही शिवेसेंमध्ये जुंपली असल्याचं पाहायला मिळत आहे. शिवसेना शिंदे गटाचे खासदार नरेश मस्के हे खासदार संजय राऊत यांच्यावर तुटून पडले आहेत. नुकतचं त्यांनी राऊतांवर टीका करताना संजय राऊत यांची पात्रता ही राहुल गांधींनी पाळलेला डाॅगची असल्याचं म्हटलं आहे. यामुळे केलेल्या विधानामुळे आता नवा वाद निर्माण झाला आहे. बाळासाहेब ठाकरे यांनी सामना सुरू केला. त्यानंतर उद्धव ठाकरे संपादक झाले. ते मुख्यमंत्री झाल्यावर रश्मी ठाकरे संपादक झाल्या, पण संजय राऊत मात्र कायम कार्यकारी संपादक पदावरच राहिले, असा निशाणा संजय राऊतावंर नरेश मस्केंनी साधला. पात्रता नसल्यामुळे राऊतांना संपादक होता आले नाही, असंही ते म्हणाले. मग त्यांनी इतरांची औकात काढण्याची गरज नाही, असा थेट इशारा संजय राऊतांनी त्यांनी दिला. अन्यथा तुला तुझी जागा दाखवून द्यावी लागेल आनंद दिघे यांना नेहमी पाण्यात बघितलं, त्याच्या एका मुलाखतीमुळे दिघे यांना टाडा लागला होता, असा आरोपही मस्कें यांनी राऊतांवर केला. सांभाळून बोल अन्यथा तुला तुझी जागा दाखवून द्यावी लागेल, अशा शब्दांत नरेश मस्केंनी राऊतांवना सुनावलं आहे. हेही वाचा : “पाकिस्तानात मला घरी असल्यासारखे वाटले,” वादग्रस्त विधानावर सॅम पित्रोदांनी दिले स्पष्टीकरण…
