Jitendra Awhad Vs Hasan Mushrif |  आगामी विधानसभा निवडणूकींच्या दृष्टीने राजकीय घडामोडींना वेग आला आहे. समरजीत घाटगेंनी भाजपला रामराम करत तुतारी हाती घेतली. कोल्हापूर दौऱ्यादरम्यान शरद पवार गटात जाहीर प्रवेश करताना भाषणादरम्यान शरद पवारांनी त्यांना जिंकून देण्याबरोबरच थेट मंत्रीपद देण्यासंदर्भातही भाष्य केलं. त्यावर हसन मुश्रीफ यांनी मला समजत नाही की ते माझ्यासारख्या अल्पसंख्यांक कार्यकर्त्यांच्या मागे का लागले आहेत?’ असा सवाल उपस्थित केला. त्यावर शरद पवारांचे समर्थक आणि आमदार जितेंद्र आव्हाड यांनी एक्स हँण्डलवरून एक पोस्ट शेअर केली आहे.

जितेंद्र आव्हाड यांची पोस्ट 

हसन मुश्रीफ यांनी अल्पसंख्यांक असल्याचा उल्लेख केल्यानंतर जितेंद्र आव्हाड यांनी सोशल मीडियावर एक फोटो पोस्ट केला आहे. या फोटोमध्ये हसन मुश्रीफ यांचा फोटो दिसत असून बाजूला मजकूर लिहिलेला आहे. “पवारसाहेबांनी हसन मुश्रीफ यांच्यावर अल्पसंख्यांक म्हणून केलेला अन्याय बघा,” असं म्हणत एक यादीच शेअर केली आहे. Jitendra Awhad Vs Hasan Mushrif |

या यादीमध्ये हसन मुश्रीफ यांना राष्ट्रवादी काँग्रेसमध्ये फूट पडण्याआधी शरद पवारांनी कोणकोणती पदं आणि जबाबदाऱ्या दिलेल्या याचा उल्लेख आहे. या यादीत, “पाच वेळा आमदारकी, चार वेळा मंत्रीपद, वफ्फ बोर्ड, कोल्हापूर जिल्ह्यातील सर्व निर्णयाचे अधिकार, जिल्हा बँकेतील सत्ता, महानगरपालिकेतील सत्ता, जिल्हा परिषद, पंचायत समिती, कारखाने” यासारख्या गोष्टींचा उल्लेख आहे. Jitendra Awhad Vs Hasan Mushrif |

हसन मुश्रीफ काय म्हणाले होते ?

हसन मुश्रीफ म्हणाले होते की, “जयंत पाटील दोन दिवसांपूर्वी आले, त्यांनी सभा घेतली. त्यानंतर पवार साहेबांनी सभा घेतली, मला समजत नाही की ते माझ्यासारख्या अल्पसंख्यांक कार्यकर्त्यांच्या मागे का लागले आहेत? मी पुन्हा म्हणतो की, निवडणुकीत शरद पवार आपसे बैर नही, समरजीत अब तुम्हारी खैर नही.!’ असं ते यावेळी म्हणाले.

पुढे बोलताना मुश्रीफ म्हणाले, “शरद पवार साहेबांनी कायम प्रजेचा आणि रयतेमधून आलेल्या सामान्य कार्यकर्त्यांचा प्रचार केलेला आहे. राजा विरोधात प्रजा अशी निवडणूक आहे आणि प्रजा कायमच जिंकत असते. मंत्री होण्यासाठी आधी निवडणुकीत निवडून यावे लागतं. मागच्या सहा निवडणुकांमध्ये मी विजय मिळवला आहे. तेव्हा माझ्यासमोर एकापेक्षा एक असे उमेदवार होते. तीन वेळा तिरंगी लढत झाली, तीन वेळा दोघांमध्ये लढत होती, तरीही मी विजय मिळवत आलो आहे,” असं देखील हसन मुश्रीफ म्हणाले होते.

हेही वाचा: 

हरियाणा निवडणुकीतून भाजपकडून बबिता फोगटचा पत्ता कट ; नेमकं काय आहे कारण?, वाचा सविस्तर