नवी दिल्ली – उडाण योजनेअंतर्गत प्रवास करणार्‍या प्रवाशांसाठी सरकारतर्फे लवकरच विमानतळांवर उडाण यात्री कॅफे सुरू करण्यात येईल, अशी माहिती केंद्रीय नागरी उड्डाणमंत्री के. राममोहन नायडू यांनी दिली.

या कॅफेमध्ये प्रवाशांना परवडणार्‍या किमतीत अन्न पदार्थांची विक्री करण्यात येईल. कोलकता विमानतळावर प्रायोगिक तत्त्वावर पहिला कॅफे सुरू करण्यात येईल, त्यानंतर देशभरातील अन्य विमानतळांवर सुरू केला जाईल, असंही नायडू यांनी या वेळी सांगितले.