पुणे: स्वारगेट प्रकरणानंतर स्वारेगट बस स्थानकातील सुरक्षेचा प्रश्न ऐरणीवर आला होता. तसेच स्वारगेट बसस्थानकामध्ये प्रवाशांना मिळणाऱ्या असुविधा यामुळे टीकेची झोड उठवली जात होती. त्यामुळे राज्य परिवहन महामंडळाच्या पुणे विभागातील स्वारगेट, शिवाजीनगर, वल्लभनगर बसस्थानकांचे सुरूक्षा अॅाडिट करण्यात आले आहे. यामध्ये अनेक त्रूटी आढळून आल्या असून त्या आगामी काळात प्राधान्याने सोडण्यात येणार असल्याचे सांगितले जात आहे. या बसस्थानकांचे अॅाडिट करण्याचे आदेश परिवहन खात्याचे मंत्री प्रताप सरनाईक यांनी दिले होते.

पुणे आणि पिंपरी चिंचवड शहरातील स्वारगेट, शिवाजीनगर वल्लभनगर हे बसस्थानक रहदारीची आणि गजबजलेले बसस्थानके आहेत. येथे दररोज मोठ्या संख्येने नागरिक प्रवास करत असतात. स्वारगेट बसस्थानकात तरुणीवर झालेल्या बलात्काराच्या घटनेनंतर प्रशासन खडबडून झाले आहे. स्वारगेट स्थानकात सुरक्षा रक्षकांची संख्या वाढवण्यात आली आहे. त्यानुसार ३६ सुरक्षा रक्षक बस स्थानकात तैनात असणार आहेत. त्यामध्ये सहा महिला सुरक्षारक्षकांचा समावेश असणार आहे.

चालक वाहकांना सूचना

एसटी स्थानकात बस घेऊन आल्यानंतर तिचे दरवाजे व्यवस्थित बंद करण्याबाबत चालक व वाहकांना सूचना देण्यात आल्या आहेत. स्थानकात एसटी बस पार्किंग करताना ही काळजी घेण्याच्या सूचना करण्यात आल्या आहेत. चालकाने ड्युटी संपल्यावर बसचा दरवाजा आणि खिडक्या बंद करूनच जावे, असा नियम आहे, मात्र दरवाजात तांत्रिक अभाव असल्याने चालकाने तरी काय करायचे असा प्रश्न निर्माण झाला आहे. पुणे विभागात जवळपास ४० पेक्षा जास्त शिवशाही बस आहेत.

पीएमपीएमल बसमध्ये महिला सुरक्षा रक्षकाची नियुक्ती

स्वारगेट बलात्काराच्या घटनेनंतर पुणे महानगपालिकेने पीएमपीएमएल बसमधील महिला प्रवाशांच्या सुरक्षेचा आढावा घेतला आहे. तसेच विद्यार्थ्यांची शाळेतीन ने आण करणाऱ्या पीएमपीएमलच्या बसमध्ये महिला सुरक्षा रक्षकांची नियुक्ती करण्यात येणार असल्याचा महत्वपूर्ण निर्णय पालिका प्रशासनाने घेतला आहे.