Actress Death : तमिळ टेलिव्हिजन इंडस्ट्रीमधून (Actress Death) एक दुःखद बातमी समोर आली आहे. ‘कयल’ या लोकप्रिय मालिकेतील अभिनयासाठी ओळखल्या जाणाऱ्या अभिनेत्री सुभाषिनी यांनी चेन्नईतील आपल्या राहत्या अपार्टमेंटमध्ये आत्महत्या केल्याची धक्कादायक बातमी समोर आली आहे. ही घटना रविवारी रात्री घडली असून, सोमवारी (६ एप्रिल) सकाळी तिचा मृतदेह आढळून आला. सुभाषिनी (Actress Death) मूळची श्रीलंकेच्या रहिवासी होत्या. तमिळ मनोरंजन क्षेत्रात करिअर घडवण्यासाठी त्या चेन्नईत स्थायिक झाल्या होत्या. सध्या त्या शूटिंगसाठी चेन्नईत आल्या होत्या, तर त्यांचा पती बेंगळुरू येथे राहत होता. त्यांचे वास्तव्य आय्यप्पन्थंगल येथील एका खासगी अपार्टमेंटमध्ये होते. घटनेची पार्श्वभूमी (Actress Death) पोलिसांच्या प्राथमिक चौकशीत समोर आलेल्या माहितीनुसार, रविवारी रात्री सुभाषिनी यांचा पतीशी व्हिडिओ कॉलवर वाद झाला. या वैयक्तिक आणि कौटुंबिक वादामुळे त्या मोठ्या मानसिक ताणाखाली होत्या. वादादरम्यान त्या पतीला “मी आत्महत्या करणार आहे” असे सांगून फोन कट केल्याचे सांगितले जाते. त्यानंतर काही वेळातच त्यांनी आत्महत्या केली. पोलिसांनी घटनास्थळी भेट देऊन मृतदेह ताब्यात घेतला असून, शवविच्छेदन आणि पुढील तपास सुरू आहे. Actress Death सुभाषिनींची कारकीर्द सुभाषिनी यांनी तमिळ दूरदर्शन मालिकांमध्ये अनेक भूमिका साकारल्या होत्या. मात्र, सन टीव्हीवर प्रसारित होणाऱ्या ‘कयल’ या मालिकेतील त्यांच्या प्रमुख भूमिकेमुळे त्यांना विशेष ओळख आणि लोकप्रियता मिळाली. त्यांच्या अभिनयाने प्रेक्षकांच्या मनात घर केले होते. त्या केवळ मालिकांमध्येच नव्हे तर काही चित्रपटांमध्येही सहाय्यक भूमिका साकारल्या होत्या. वैयक्तिक जीवन सोशल मीडियावर त्या सक्रिय होत्या. इन्स्टाग्रामवर त्यांचे ४ लाखांहून अधिक फॉलोअर्स होते. त्यांच्या निधनानंतर सोशल मीडियावर चाहते, सहकलाकार आणि मनोरंजन क्षेत्रातील व्यक्तींनी मोठ्या प्रमाणात शोक व्यक्त केला आहे. अनेकांनी त्यांच्या अभिनयाची आठवण काढत भावनिक पोस्ट्स केल्या आहेत. तमिळ टेलिव्हिजन इंडस्ट्रीत ही घटना मोठा धक्का मानली जात आहे.