Vijay Varma Viral Post | बॉलीवूड अभिनेता विजय वर्मा सध्या एका वेगळ्याच कारणामुळे चर्चेत आला आहे. विजय वर्माने सोशल मीडियावर एक फोटो पोस्ट केला होता. ज्यामुळे त्याला चाहत्यांची जाहीररित्या माफी मागावी लागली आहे. विजय वर्मानं त्याच्या सोशल मीडिया अकाऊंटवरून एक फोटो शेअर केला आणि त्यासोबत त्याने RIP असं देखील म्हटलं. त्याची ही पोस्ट पाहून सगळ्यांना आश्चर्य वाटले. दोन वर्षांपूर्वी विजयचा नेटफ्लिक्सवर एक चित्रपट आला होता. या चित्रपटात त्यानं हमजा शेख ही भूमिका साकारली होती. विजयनं चित्रपटाला दोन वर्ष पूर्ण झाल्यानंतर हमजाचा फोटो शेअर केला होता. या फोटोमध्ये त्याने लिहिले की, ‘हमजा अब्दुल शेख. प्रेमळ नवरा. प्रिय जावई. सोमवारी ५.३० वाजता प्रार्थना सभा, सर्वांचे स्वागत आहे.’ पोस्टमध्ये त्याच्या फोटोखाली RIP देखील लिहिलेले आहे. विजयची ही पोस्ट काही वेळातच व्हायरल झाली आणि अनेकांना धक्का बसला. Vijay Varma Viral Post | दरम्यान, विजयने चाहत्यांसोबत मस्करी केली होती. यानंतर त्याने या पोस्टवर कमेंट करत माफी मागितली. ‘मित्रांनो मला माफ करा, मी हे तुम्हाला घाबरवण्यासाठी नाही केलं. हा चित्रपटातून घेण्यात आलेला स्क्रीनशॉट आहे. सिनेमा डार्क कॉमेडी बनवली होती तर पोस्टही तशीच केली.’ Vijay Varma Viral Post | दरम्यान, विजय वर्माचा ‘डार्लिंग्स’ हा एक ब्लॅक कॉमेडी चित्रपट आहे. या चित्रपटाचं दिग्दर्शन जसमीत के रीमनं केलं आहे. या चित्रपटात विजय वर्मा, आलिया भट्ट आणि शेफाली शाह हे महत्त्वाच्या भूमिकेत होते. हा चित्रपट 5 ऑगस्ट 2022 रोजी नेटफ्लिक्स या ओटीटी प्लॅटफॉर्मवर प्रदर्शित झाला होता. हेही वाचा: “आम्ही मराठ्यांना ओबीसीतून आरक्षण द्यायला तयार, पण आधी..”; रावसाहेब दानवेंच मोठं विधान
