Sayaji Shinde : कर्जतमध्ये सुरू असलेल्या वृक्षतोडीच्या मुद्द्यावरून अभिनेते आणि पर्यावरणप्रेमी सयाजी शिंदे यांनी राज्य सरकारवर टीका केली आहे. विकासाच्या नावाखाली जुन्या झाडांची कत्तल का केली जात आहे, असा सवाल करत त्यांनी सरकारच्या भूमिकेवर प्रश्नचिन्ह उपस्थित केले. दरम्यान, शिवसेना (उद्धव बाळासाहेब ठाकरे) पक्षाचे नेते आदित्य ठाकरे यांनीही कर्जतमधील वृक्षतोडीच्या ठिकाणी जाऊन पाहणी केली. (Sayaji Shinde)

‘झाडं नष्ट करण्यासाठी तुम्हाला निवडून दिलंय का?’

वृक्षतोडीच्या मुद्द्यावर पत्रकार परिषदेत बोलताना सयाजी शिंदे म्हणाले की, राजकीय दबावातून शासन निर्णय (GR) काढून राखीव जमिनी घेतल्या जात असल्याचा त्यांचा आरोप आहे. त्यानंतर त्या परिसरातील नैसर्गिक संपत्ती नष्ट केली जात असल्याचेही त्यांनी म्हटले. (Sayaji Shinde)

“जुन्या झाडांना हात न लावता विकास करता आला पाहिजे. यासाठी आम्ही तुम्हाला निवडून दिलं आहे. ही लोकशाही आहे. झाडं नष्ट करण्यासाठी तुम्हाला निवडून दिलं आहे का? आम्हाला दबावाखाली आणू नका, आमची फसवणूक करू नका,” अशा शब्दांत सयाजी शिंदे यांनी सरकारला सवाल केला. (Sayaji Shinde)

‘लावलेल्या झाडांपेक्षा आहेत ती मोठी झाडं वाचवा’

नवीन झाडे लावण्याबरोबरच आधीपासून अस्तित्वात असलेल्या मोठ्या झाडांचे संवर्धन करणेही महत्त्वाचे असल्याचे शिंदे यांनी सांगितले. धाराशिवमध्ये १० लाख झाडे लावल्याचा उल्लेख करत त्यांनी ही झाडे दहा वर्षांनंतर किती जगली, त्यांची देखभाल आणि संवर्धनासाठी किती खर्च झाला, याचाही आढावा घेतला पाहिजे, असे मत व्यक्त केले. (Sayaji Shinde)

त्यांच्या मते, विकास प्रकल्प राबवताना जुन्या झाडांचे संरक्षण करण्याला प्राधान्य दिले पाहिजे. केवळ वृक्षारोपणाचे आकडे न मोजता लावलेली झाडे प्रत्यक्षात किती जगतात, याकडेही लक्ष देणे आवश्यक आहे. (Sayaji Shinde)

‘सेव्ह सह्याद्री’ मोहिमेतून सरकारसमोर मांडणार भूमिका

वृक्षतोडीविरोधात ‘सेव्ह सह्याद्री’ नावाने मोहीम सुरू केल्याची माहितीही सयाजी शिंदे यांनी दिली. या मोहिमेत अनेक लोक सहभागी होत असल्याचे त्यांनी सांगितले. पर्यावरणविषयक तज्ज्ञांना सोबत घेऊन सरकारची भेट घेणार असून, महाराष्ट्रात विकास प्रकल्प पर्यावरणाचे नुकसान कमी करून कसे राबवता येतील, याबाबत पर्यायी प्रस्ताव मांडणार असल्याचे त्यांनी स्पष्ट केले. (Sayaji Shinde)

कर्जतमधील वृक्षतोडीचा मुद्दा आता पर्यावरण संवर्धन आणि विकासकामे यांच्यातील समतोलाच्या चर्चेच्या केंद्रस्थानी आला आहे. या प्रकरणात सरकारची अधिकृत भूमिका आणि वृक्षतोडीमागील प्रकल्पाची माहिती समोर आल्यानंतर पुढील चित्र स्पष्ट होईल. (Sayaji Shinde)

Sayaji Shinde : मुलांना मारायला नको होतं.. सयाजी शिंदें स्पष्टचं बोलले; धर्मेंद्र प्रधान यांच्या राजीनाम्यावर मोठी प्रतिक्रिया