Satish Khokya Bhosale : बीडमधील संतोष देशमुख हत्या प्रकरणाचे राज्यभरात पडसाद उमटत असतानाच गेल्या वर्षी सोशल मीडियावर सतीश उर्फ खोक्या भोसले याचा एका व्यक्तीला बॅटीने अमानुषपणे मारहाण करतानाचा व्हिडिओ व्हायरल झाला होता. या व्हिडिओमुळे राज्यभरात खळबळ उडाली होती. या प्रकरणात खोक्या भोसले याला अटक करण्यात आली. पुराव्याअभावी शिरुर कासार तालुक्यातील ठाकणे पिता पुत्र मारहाण प्रकरणातून निर्देाष त्याची निर्देाष मुक्तता करण्यात आली आहे. तसेच वन्य प्राण्यांची शिकार करून हरणाचे मांस घरात आढळून आल्याने त्याच्यावर गुन्हा दाखल झाला होता. बीड न्यायालयात मारहाण प्रकरणाची सुनावणी पार पडली. न्यायालयाने दिलेल्या निकालामुळे सतीश उर्फ खोक्या भोसले याला मोठा दिलासा मिळाला आहे. तो काल संधाकाळी एका वर्षानंतर छत्रपती संभाजीनगर कारागृहातून बाहेर आला आहे. कारागृहातून बाहेर पडताच सतीश भोसलेने माध्यमांशी बोलताना आपली पहिली प्रतिक्रिया दिली. आज न्याय देवतेने मला न्याय दिला असून अखेर सत्याचा विजय झाला आहे. मात्र, गेल्या एका वर्षात माझं सगळं काही उद्ध्वस्त झालं. एका मोठ्या नेत्याला राजकीयदृष्ट्या टार्गेट करण्यासाठी माझ्यासारख्या आदिवासी समाजातील तरुणाचा बळी दिला गेला, असा आरोप त्याने केला. माझ्या कुटुंबावर तीन वेळा हल्ले झाले, पण प्रशासनाने त्याची साधी दखलही घेतली नाही. आयुष्यभराच्या कमाईतून उभारलेलं माझं घरही पाडलं गेलं, असे सतीश भोसले म्हणाला. बॅटीने मारहाण प्रकरणावर बोलताना म्हणाला… आमच्या जिल्ह्यात काही मोजके लोक राजकारणात जातीयवादाचे विष कालवण्याचे काम करत आहेत. बॅटने मारहाण केल्याच्या व्हायरल व्हिडीओचे सत्यही लवकरच समोर येईल. न्याय देवता त्या प्रकरणात जो काही निर्णय देईल, तो मला मान्य असेल. नेमकं प्रकरण काय? गेल्या वर्षी एका व्यक्तीला बॅटने अमानुषपणे मारहाण करतानाचा सतीश भोसलेचा एक व्हिडीओ सोशल मीडियावर प्रचंड व्हायरल झाला होता. त्यानंतर शिरूर कासार पोलीस ठाण्यात त्याच्यावर विविध कलमान्वये गुन्हे दाखल करण्यात आले. याच दरम्यान ढाकणे पिता-पुत्राला मारहाण केल्याचा आरोपही त्याच्यावर झाला होता. ज्यामध्ये त्याला अटक करून कारागृहात रवानगी करण्यात आली होती. ते प्रकरण न्यायप्रविष्ठ ढाकणे पिता-पुत्र मारहाण प्रकरणाची सुनावणी बीड न्यायालयात पार पडली. योग्य पुराव्याअभावी न्यायालयाने सतीश भोसले याला आरोपातून निर्दोष मुक्त केले. तर बॅटने मारहाण करण्याचे मुख्य प्रकरण अद्याप न्यायप्रविष्ठ आहे. इतर गुन्ह्यांमध्ये त्याला जामीन मंजूर करण्यात आला. सतीश भोसलेचा थाट आमदार सुरेश धस यांचा खंदा कार्यकर्ता म्हणून सतीश भोसले याची ओळख आहे. त्याला खोक्या या नावाने ओळखतात. गाडीच्या डॅशबोर्डवर पैशांची बंडल दाखवणे, हेलिकॉप्टर मधून एन्ट्री आणि पंचतारांकित हॉटेलमधील लॅविश लाइफस्टाइल असा थाट खोक्या भोसलेचा रिल्समधून समोर आला होता. हेही वाचा : US military reshuffle: ट्रम्प यांनी स्वतःच्याच सैन्यावर केला ‘सर्जिकल स्ट्राइक’ ; इराण युद्धातील आणखी एक नवीन अध्याय
