पुणे  : बोपदेव घाटात महाविद्यालयीन तरुणीवरील सामुहिक बलात्कार प्रकरणातील आरोपींची माहिती देणाऱ्यास पुणे पोलिसांकडून दहा लाख रुपयांचे बक्षीस जाहीर करण्यात आले आहे. पोलिसांकडून दोनशेहून अधिक संशयितांची चौकशी करण्यात आल्याची माहिती सहपोलीस आयुक्त रंजनकुमार शर्मा यांनी दिली. आरोपींची माहिती देणाऱ्यास दहा लाख रुपयांचे बक्षीस जाहीर करण्यात आले आहे.

माहिती देणाऱ्याचे नाव गोपनीय ठेवण्यात येईल. पोलिसांकडून बोपदेव घाटमार्गे गेलेल्या मोबाइल वापरकर्त्यांची माहिती संकलित करण्यात आली आहे. कृत्रिम बुद्धीमत्तेच्या आधारे (एआय) तांत्रिक माहितीचे विश्लेषण करण्यात येणार आहे. आरोपींची माहिती देणाऱ्या व्यक्तीचे नाव गोपनीय ठेवण्यात येणार आहे, असे त्यांनी नमूद केले आहे.