ACB Raid : एसीबीची मोठी कारवाई; लाच घेताना क्लास 1 ‘बंदर अधिकारी’ जाळ्यात
ACB Raid : राज्यात लाचलुचपत प्रतिबंधक विभागाने (ACB) लाचखोर अधिकारी आणि कर्मचाऱ्यांविरोधात कारवाईचा धडाका सुरू ठेवला आहे. अशातच रत्नागिरीच्या बंदर विभागात एसीबीने मोठी कारवाई केली आहे.

ACB Raid : राज्यात लाचलुचपत प्रतिबंधक विभागाने (ACB) लाचखोर अधिकारी आणि कर्मचाऱ्यांविरोधात कारवाईचा धडाका सुरू ठेवला आहे. अशातच रत्नागिरीच्या बंदर विभागात एसीबीने मोठी कारवाई केली आहे. (ACB Raid)
परदेशी जहाजाला पोर्ट क्लिअरन्स सर्टिफिकेट आणि चाचण्यांची परवानगी देण्यासाठी 80 हजार रुपयांच्या लाचेची मागणी केल्याचा आरोप महाराष्ट्र मेरीटाईम बोर्डाच्या वर्ग-1 प्रादेशिक बंदर अधिकारी संदीप भुजबळ यांच्यावर आहे. (ACB Raid)
या प्रकरणात 60 हजार रुपयांची लाच स्वीकारताना त्यांचा कथित खासगी मध्यस्थ मिलिंद बनप याला हॉटेल कार्निवलमध्ये रंगेहात पकडण्यात आले. त्यानंतर बंदर अधिकारी संदीप भुजबळ यांनाही एसीबीने ताब्यात घेतले. (ACB Raid)
परदेशी जहाजाच्या परवानगीसाठी लाचेची मागणी?
मिळालेल्या माहितीनुसार, परदेशी जहाजाला पोर्ट क्लिअरन्स सर्टिफिकेट देणे आणि आवश्यक चाचण्यांसाठी परवानगी देण्याच्या कामासाठी 80 हजार रुपयांची लाच मागितल्याचा आरोप आहे. या व्यवहारात 60 हजार रुपये स्वीकारण्याची जबाबदारी खासगी मध्यस्थ मिलिंद बनप याच्याकडे असल्याचा आरोप करण्यात आला. (ACB Raid)
हॉटेल कार्निवलमध्ये ACB चा सापळा
लाचलुचपत प्रतिबंधक विभागाने सापळा रचून हॉटेल कार्निवलमध्ये 60 हजार रुपये स्वीकारताना मिलिंद बनप याला रंगेहात पकडले. त्यानंतर या प्रकरणात प्रादेशिक बंदर अधिकारी संदीप भुजबळ यांनाही ताब्यात घेण्यात आले. या कारवाईमुळे रत्नागिरीतील प्रशासकीय वर्तुळात खळबळ उडाली आहे. (ACB Raid)
वरळीतील ESIC कार्यालयातही कारवाई
दरम्यान, मुंबईतील वरळी येथील महाराष्ट्र राज्य कामगार विमा योजनेच्या (ESIC) कार्यालयातही एसीबीने कारवाई केली होती. लेखा अधिकारी तथा सहायक संचालक जितेंद्र साखरकर (वय 50) यांना 50 हजार रुपयांची लाच स्वीकारताना पकडण्यात आले होते. (ACB Raid)
वैद्यकीय उपकरण पुरवठादाराचे प्रलंबित बिल मंजूर करण्यासाठी त्यांनी 7 लाख 50 हजार रुपयांच्या लाचेची मागणी केल्याचा आरोप होता. 16 नोव्हेंबर रोजी सायंकाळी सापळा रचून ही कारवाई करण्यात आली. (ACB Raid)
एकाच काळात मुंबई आणि रत्नागिरीत झालेल्या या कारवायांमुळे लाचखोरीविरोधात एसीबीने कारवाई तीव्र केल्याचे दिसून येत आहे. रत्नागिरीतील प्रकरणात पुढील तपासातून आणखी कोणती माहिती समोर येते, याकडे लक्ष लागले आहे. (ACB Raid)
Malegaon News : शेतात माती टाकण्यासाठी ६ हजारांची लाच; वनपाल ACBच्या जाळ्यात





