Aamir Khan: बॉलिवूड अभिनेता आमिर खान पुन्हा एकदा त्याच्या वैयक्तिक आयुष्यामुळे चर्चेत आला आहे. त्याच्या आगामी लग्नाच्या बातम्यांदरम्यान एक व्हिडिओ सोशल मीडियावर प्रचंड व्हायरल होत आहे. या व्हिडिओमध्ये आमिर खान, त्याची पहिली पत्नी रीना दत्ता, दुसरी पत्नी किरण राव आणि होणारी पत्नी गौरी स्प्रॅट हे सगळे एकत्र दिसत आहेत. विशेष म्हणजे हे सर्वजण एकाच गाडीत आनंदाने प्रवास करताना दिसल्याने चाहत्यांमध्ये मोठी चर्चा रंगली आहे.  (Aamir Khan)

आमिर खान त्याच्या माजी पत्नींसोबत मैत्रीपूर्ण संबंध जपण्यासाठी ओळखला जातो. अनेकदा तो आपल्या कुटुंबासोबत वेळ घालवताना दिसतो. यावेळीही त्याने नात्यांचा एक वेगळाच आदर्श सर्वांसमोर ठेवला आहे.

सोशल मीडियावर व्हायरल झालेल्या व्हिडिओमध्ये आमिर खान, त्याची होणारी पत्नी गौरी स्प्रॅट, माजी पत्नी किरण राव, पहिली पत्नी रीना दत्ता आणि मुलगा आझाद राव खान हे एकत्र बाहेर फिरून परतताना दिसत आहेत. आमिर पुढच्या सीटवर बसलेला दिसतो, तर मागच्या सीटवर गौरी, किरण आणि आझाद बसलेले आहेत. काही वेळानंतर रीना दत्ताही त्याच गाडीत येऊन बसते.   (Aamir Khan)

या दरम्यान गौरी आणि किरण राव एकमेकींशी गप्पा मारताना आणि हसताना दिसतात. हा क्षण पाहून अनेकांना आश्चर्य वाटले. कारण घटस्फोटानंतरही इतके चांगले संबंध टिकवून ठेवणे अनेकांसाठी अनोखे आहे.

हा व्हिडिओ समोर आल्यानंतर सोशल मीडियावर अनेक प्रतिक्रिया उमटल्या आहेत. एका चाहत्याने, “प्रिय आमिर खान, हे नेमकं कसं शक्य झालं?” असा प्रश्न विचारला. तर दुसऱ्या एका युजरने, “असं कुटुंब भारतात फक्त आमिर खानच तयार करू शकतो,” अशी प्रतिक्रिया दिली. आणखी एका नेटकऱ्याने, “हे फक्त आमिरच करू शकतो,” असे म्हटले.

😂 Only Aamir Khan has the rare talent to take his first wife, second wife, and maybe even a future third wife in the same car ride! 🚗😜

Talk about maintaining diplomatic relations at the highest level! 😆#AamirKhan #Bollywood #ViralPost #FunnyPost #Meme #BollywoodMemes… pic.twitter.com/pthMxH5Xl5

— Indian Observer (@ag_Journalist) June 16, 2026

दरम्यान, काही दिवसांपूर्वी ‘लगान’ चित्रपटाच्या २५ वर्षांच्या निमित्ताने आयोजित कार्यक्रमातही हे सगळे एकत्र दिसले होते. या कार्यक्रमाला आमिरच्या कुटुंबातील अनेक सदस्य उपस्थित होते. रीना दत्ता आणि गौरी स्प्रॅट यांचीदेखील उपस्थिती विशेष चर्चेचा विषय ठरली होती. गौरीने आमिरसोबत रेड कार्पेटवर हातात हात घालून वॉक केला होता.

सध्या आमिर खान आणि गौरी स्प्रॅट यांच्या लग्नाची जोरदार चर्चा सुरू आहे. आमिरने स्वतः त्यांच्या लग्नाच्या तारखेची पुष्टी केली आहे. त्यानुसार, दोघे ५ जुलै रोजी विवाहबंधनात अडकणार आहेत.  (Aamir Khan)

एका मुलाखतीत आमिरने सांगितले की, तो आणि गौरी आता त्यांच्या नात्याला पुढच्या टप्प्यावर घेऊन जाण्यासाठी पूर्णपणे तयार आहेत. तो म्हणाला, “मी मनाने आधीच गौरीशी लग्न केलं आहे. आता आमच्या नात्याला अधिकृत स्वरूप देणं हा एक नैसर्गिक निर्णय आहे.”  (Aamir Khan)

 

आमिरने पुढे सांगितले की, त्यांचे नाते अतिशय गंभीर, प्रामाणिक आणि विश्वासावर आधारित आहे. त्यामुळे लग्न हा त्यांच्या आयुष्यातील पुढचा स्वाभाविक टप्पा आहे.

माध्यमांतील वृत्तांनुसार, हा विवाह सोहळा अतिशय खासगी पद्धतीने होणार आहे. यात फक्त कुटुंबातील जवळचे सदस्य आणि काही मोजके मित्र सहभागी होणार आहेत.

दरम्यान, आमिर खानने पुन्हा एकदा हे दाखवून दिले आहे की, नाती फक्त वैवाहिक बंधनांवर टिकत नाहीत, तर परस्पर आदर, मैत्री आणि समजूतदारपणावरही टिकू शकतात. त्यामुळेच त्याच्या या आधुनिक कुटुंबाची सध्या सर्वत्र चर्चा होत आहे.