Aaditya Thackeray : दिशा सालियन मृत्यू प्रकरणी मुंबई उच्च न्यायालयाने केंद्रीय अन्वेषण विभागाला तपासाचे आदेश दिल्यानंतर, शिवसेना ठाकरे पक्षाचे नेते आणि आमदार आदित्य ठाकरे यांनी यावर आपली पहिली प्रतिक्रिया दिली आहे. (Aaditya Thackeray)

माझा या प्रकरणाशी काहीही संबंध नाही आणि मला यावर कोणतीही टिप्पणी करण्याची गरज नाही, असे स्पष्ट मत आदित्य ठाकरे यांनी व्यक्त केले आहे. नाशिक येथे पत्रकारांशी बोलताना आदित्य ठाकरे म्हणाले, माझा या विषयाशी काहीही संबंध नाही. (Aaditya Thackeray)

मी या गोष्टीचा विचारही केलेला नाही, मग मी यावर उत्तर का द्यावे?अभिनेता सुशांत सिंह राजपूत याची माजी मॅनेजर असलेल्या दिशा सालियानचा ८ जून २०२० रोजी मुंबईतील मालवणी, मालाड भागातील एका निवासी इमारतीच्या १२ व्या मजल्यावरून पडून मृत्यू झाला होता. (Aaditya Thackeray)

या प्रकरणात पोलिसांनी आधी अपघाती मृत्यूची नोंद केली होती. मात्र, घटनेच्या ६ वर्षांनंतरही प्रथम माहिती अहवाल दाखल न केल्याबद्दल मुंबई उच्च न्यायालयाने मुंबई पोलिसांना फटकारले. पोलिसांच्या तपासावर प्रश्नचिन्ह उपस्थित करत, उच्च न्यायालयाने हे प्रकरण निष्पक्ष तपासासाठी केंद्रीय यंत्रणेकडे सोपवण्याचे आदेश दिले आहेत. (Aaditya Thackeray)

या घटनेनंतर भारतीय जनता पक्षाचे नेते आणि मंत्री नितेश राणे तसेच खासदार नारायण राणे यांनी आदित्य ठाकरे यांच्यावर गंभीर आरोप करत त्यांचा या प्रकरणाशी संबंध जोडण्याचा प्रयत्न केला होता. (Aaditya Thackeray)

तर दुसरीकडे, विरोधी राजकीय नेत्यांकडून सूडबुद्धीने आपले नाव या प्रकरणात ओढले जात असल्याचा आरोप ठाकरे गटाकडून करण्यात येत आहे. उच्च न्यायालयाच्या या आदेशानंतर राज्यातील राजकीय वातावरणात पुन्हा एकदा खळबळ उडाली आहे. (Aaditya Thackeray)

Aaditya Thackeray : मुंबईतील मोकळ्या जागा भाजपसंबंधी व्यक्तींना दिल्या जात आहेत; आदित्य ठाकरे यांचा आरोप

Aaditya Thackeray : “मुंबईतील मोकळ्या जागा हडपण्याचा भाजपचा प्रयत्न”; आदित्य ठाकरेंचा गंभीर आरोप