उरुळी कांचन (वार्ताहर) – येथील ग्रामपंचायत हद्दीत अज्ञात कारणावरून एका 25 वर्षीय तरुणाने घराच्या शेजारी असलेल्या झाडाच्या फांदीला नायलॉनच्या दोरीने गळफास घेऊन आत्महत्या केली.

शंकर जयदेव ढावारे (वय 25, रा. गोळेवस्ती, उरुळी कांचन) असे गळफास घेऊन आत्महत्या केलेल्या तरुणाचे नाव आहे. शंकर व त्याचे वडील उरुळी कांचन हद्दीतील गोळेवस्ती येथे राहतात.

सायंकाळी पावणेसात वाजण्याच्या सुमारास घराच्या शेजारी असलेल्या झाडाच्या फांदीला नायलॉनच्या दोरीने शंकर याने आत्महत्या केल्याचे वडिलांच्या निदर्शनास आले.

दरम्यान, त्याला काही नागरिकांच्या मदतीने खाली घेऊन उरुळी कांचन येथील प्राथमिक आरोग्य केंद्रात दाखल करण्यात आले. मात्र उपचारापूर्वीच त्याचे निधन झाल्याचे वैद्यकीय अधिकार्‍यांनी सांगितले.