तळेगाव दाभाडे : तळेगाव दाभाडे येथे चंदुकाका सराफचे शोरूम सुरू होण्यापूर्वीच सामाजिक बांधिलकीच्या दिशेने महत्त्वाचे पाऊल टाकण्यात आले. तळेगाव दाभाडे नगरपरिषदेच्या ‘स्वच्छ तळेगाव दाभाडे’ आणि ‘माझी वसुंधरा’ या पर्यावरणपूरक उपक्रमांना सहकार्य करत चंदुकाका सराफ प्रायव्हेट लिमिटेड – तळेगाव दाभाडे शाखेतर्फे नागरिकांना कापडी पिशव्यांचे वाटप करण्यात आले.

प्लास्टिकच्या वापरामुळे निर्माण होणारे पर्यावरणीय प्रश्न कमी करण्यासोबतच नागरिकांमध्ये पर्यावरण संवर्धनाबाबत जनजागृती निर्माण करणे हा या उपक्रमाचा प्रमुख उद्देश आहे. ‘एक कापडी पिशवी – अनेक वेळा वापर’ या संदेशातून प्लास्टिकला पर्याय म्हणून कापडी पिशव्यांचा नियमित वापर करण्याचे आवाहन करण्यात आले.

यावेळी तळेगाव दाभाडे नगरपरिषदेचे मुख्याधिकारी मा. श्री. गिरीश दापकेकर यांनी नागरिकांना प्लास्टिकचा वापर टाळून पर्यावरणपूरक पर्याय स्वीकारण्याचे आवाहन केले. तसेच चंदुकाका सराफने शोरूम सुरू होण्यापूर्वीच सामाजिक व पर्यावरणीय जबाबदारी जपत घेतलेल्या या उपक्रमाचे कौतुक केले.

येत्या दहा दिवसांत चंदुकाका सराफच्या माध्यमातून तळेगाव दाभाडे परिसरातील नागरिकांना कापडी पिशव्यांचे वाटप करण्यात येणार आहे.

या कार्यक्रमास मा. श्री. गिरीश दापकेकर – मुख्याधिकारी, मा. सौ. सुप्रिया ताई शिंदे – Deputy CEO, सौ. विभाताई वाणी, मा. श्री. प्रशांत शिवणे – वरिष्ठ स्वच्छता निरीक्षक, मा. श्री. सुनील काळकुटे – स्वच्छता निरीक्षक, ग्रामविभाग आणि मा. श्री. अभिषेक शिंदे – स्वच्छता विभाग यांची उपस्थिती लाभली.

चंदुकाका सराफच्या वतीने मा. श्री. सुमित शहा, मा. श्री. सन्मती दानोळे, मा. श्री. गजानन बारगजे, मार्केटिंग टीम तसेच कर्मचारी उपस्थित होते.

“प्लास्टिकला नकार – कापडी पिशवीचा स्वीकार” या संदेशातून स्वच्छ, सुंदर आणि प्लास्टिकमुक्त तळेगाव दाभाडे घडविण्यासाठी नागरिकांनी सहकार्य करावे, असे आवाहन करण्यात आले.