प्यॉंग्यॉंग – उत्तर कोरियाने अलीकडेच आपल्या शत्रू अमेरिका आणि जपानसह दक्षिण कोरियाला एक लष्करी गुप्तचर उपग्रह यशस्वीरित्या कक्षेत बसवून मोठा धक्का दिला आहे. उत्तर कोरियाचे हुकूमशहा किम जोंग उन यांनी देशाच्या लष्करी गुप्तचर उपग्रहाच्या प्रक्षेपणाचे वर्णन “अंतराळ गस्तीची तैनाती’ म्हणून केले आहे आणि म्हटले आहे की आम्हाला स्वसंरक्षणाचा अधिकार आहे. किम जोंग यांची ही टिप्पणी नॅशनल एरोस्पेस टेक्‍नॉलॉजी ऍडमिनिस्ट्रेशनच्या भेटीदरम्यान आली आहे.

हुकूमशहा किम जोंग उन यांनी कौतुक केले की देशाचे अंतराळ संरक्षक शत्रू देशांच्या लष्करी हालचालींवर लक्ष ठेवण्याचे काम उत्तम रितीने करत आहेत आणि नवीन विजय देखील मिळवत आहेत. यादरम्यान, गुप्तचर उपग्रहाचे प्रक्षेपण हा स्वसंरक्षणाच्या अधिकाराचा प्रत्यय आहे यावरही त्यांनी भर दिला.

उत्तर कोरियाच्या अंतराळ अधिकाऱ्यांनी सांगितले की त्यांच्या अंतराळ प्रक्षेपण वाहनाने मंगळवारी रात्री ‘मल्लीग्योंग-1’ नावाचा उपग्रह यशस्वीरित्या निर्धारित कक्षेत ठेवला. उत्तर कोरियाने शत्रू देशांच्या लष्करी हालचालींवर लक्ष ठेवून त्यानुसार स्वत:ची तयारी ठेवण्याच्या उद्देशाने हा उपग्रह स्थापित केला आहे.