चेन्नई – तमिळनाडूत चेन्नई येथे राजभवनाच्या बाहेर पेट्रोल बॉम्ब फेकला जाण्याची एक गंभीर घटना घडली असून यासंदर्भात एका व्यक्तीला अटक करण्यात आली आहे. कारूक्का विनोद असे त्याचे नाव असून त्याची चौकशी केली जाते आहे.

तमिळनाडू विधानसभेत काही महिन्यांपूर्वी नीट विरोधी विधेयक संमत झाले होते. तथापि, राज्यपाल आर. एन. रवी यांनी अद्याप त्यावर स्वाक्षरी केलेली नाही. त्याचा निषेध म्हणून विनोद याने अगोदर राज्यपालांच्या विरोधात घोषणाबाजी केली आणि नंतर बॉम्ब फेकला.