ओझर : शिक्षण क्षेत्रात नवनवीन प्रयोग घडवून आणणारे शिवनेरी स्कूल पुन्हा एकदा काळाच्या पुढे गेले आहे. शिक्षकांचा कार्यभार कमी करून अध्यापन अधिक प्रभावी व आधुनिक करण्यासाठी शाळेने कृत्रिम बुद्धिमत्ता (AI) प्रत्यक्षात आणली असून, हा प्रयोग संपूर्ण परिसरासाठी प्रेरणादायी ठरला आहे. शिवनेरी स्कूलचे अध्यक्ष डॉ. सरस्वती कणसे व संचालक डॉ. चंद्रकांत कणसे यांच्या दूरदृष्टीतून ही क्रांतिकारी पाऊल उचलले गेले. आता शाळेत प्रश्नपत्रिका तयार करणे, पेपर तपासणी, निकालपत्र, लेसन व वार्षिक नियोजन, वेळापत्रक तयार करणे, टीएलएम विकास यांसारखी अनेक कामे AI च्या साहाय्याने सुलभ झाली आहेत. यामुळे शिक्षकांना विद्यार्थ्यांसाठी अधिक वेळ देता येत असून, त्यांचा उत्साह दुप्पट झाला आहे. या उपक्रमासाठी लायन्स क्लबचे सदस्य व सुमारे पाच शाळांचे विश्वस्त सहभागी झाले. कुलदीप सर, श्राबणी मॅडम आणि कल्याण सर यांनी एआयच्या कार्यपद्धतीचे प्रशिक्षण देत शिक्षकांना या तंत्रज्ञानाचा उपयोग कसा करायचा हे प्रत्यक्ष दाखवले. शाळेच्या प्रगतीसाठी सचिव शुभंकर कणसे, सीईओ श्रद्धा कणसे, प्राचार्य संजय मिश्रा, कॅम्पस इंचार्ज राजेंद्र मुरादे प्रशासकीय अधिकारी ज्ञानेश्वर पटाडे आणि सल्लागार अमोल थोरात यांचेही मोलाचे योगदान राहिले आहे. या उपक्रमामुळे भविष्यकालीन शिक्षण कसे असावे याचा मार्गदर्शक आराखडा शिवनेरी स्कूलने दाखवून दिला आहे. “एआय हे फक्त तंत्रज्ञान नाही तर शिक्षकांचा मित्र आहे. ते कामे कमी करून सर्जनशीलता वाढवते, नवोन्मेषाला चालना देते आणि विद्यार्थ्यांशी संवाद अधिक समृद्ध बनवते. शिवनेरी स्कूलला या परिवर्तनाचे नेतृत्व करताना अभिमान वाटतो,”…… डॉ. चंद्रकांत कणसे
