शिरूर – शिरुर शहरातील पाबळफाटा ते मोती नाला राज्य मार्ग १०३ या रस्त्याचे काम सुरू असून ते अतिशय नित्कृष्ठ पद्धतीने सुरु असून मुरूमाऐवजी मातीचा वापर होत आहे.सार्वजनिक बांधकाम ऊपविभाग शिरूर कार्यालय हे दोन किलोमीटरच्या अंतरावर असून तेथील आधिकाऱ्यांना या रस्त्याचे काम पाहायला वेळ नाही का ?असा संतप्त सवाल वाहनचालकांकडून उपस्थित केला जात आहे
रोडच्या साईट पट्टीचे काम अत्यंत निकृष्ट दर्जाचे सुरु आहे. या सर्व दर्जाहीन काम करणाऱ्या कॉन्ट्रॅक्टरवरती संबंधित अधिकारी कारवाई करणार का? याबद्दल नागरिकांमधून चर्चा सुरु आहेत.

सध्या रोडच्या साईट पट्ट्याचे काम सुरु आहे. साईट पट्ट्यावरती मुरूम टाकण्याऐवजी माती साईट पट्ट्यांवरती टाकत आहे. या साईट पट्ट्यावरती टाकलेल्या मातीमुळे मोठा अपघात होण्याची शक्यता नाकारता येणार नाही. ही माती दुसऱ्या मोठ्या वाहनाच्या टायरच्या साह्याने व पावसाने डांबरी वरती आल्यास दुचाकी वाहने स्लीप होऊन अपघात होऊ शकतात.
या कामाबाबत स्थानिक नागरीकांनी, वाहनचालकांनी नाराजी व्यक्त केली असून या ठेकेदारावर कारवाई करून माती ऐवजी मुरूम टाकण्याची मागणी केली जात आहे