Pushpak Viman first look : हातात बंदूक, नोटांनी भरलेली बॅग; ‘पुष्पक विमान’ वेबसिरीजचा भन्नाट फर्स्ट लूक समोर
Pushpak Viman first look : या सगळ्या गोष्टींमुळे चित्रपटात नेमका कोणता गोंधळ, थरार आणि कॉमेडी पाहायला मिळणार, याची उत्सुकता निर्माण झाली आहे. हे हटके पोस्टर शेअर करत नेटफ्लिक्सने भन्नाट कॅप्शन दिले आहे.

Pushpak Viman first look : ओटीटीवर पुन्हा एकदा मनोरंजनाचा धमाका होणार असून, जयदीप अहलावत, अभिषेक बॅनर्जी आणि बरुण सोबती हे त्रिकुट ‘पुष्पक विमान’ या आगामी क्राईम-कॅपर वेबसिरीजमधून प्रेक्षकांच्या भेटीला येणार आहे.
नेटफ्लिक्सने शनिवार, २१ नोव्हेंबर रोजी या वेबसिरीजचे एक भन्नाट पोस्टर सोशल मीडियावरुन शेअर केले आहे. हे पोस्टर पाहून चाहत्यांची उत्सुकता चांगलीच वाढवली आहे. (Pushpak Viman first look)
या पोस्टरमध्ये तिन्ही कलाकारांचा हटके अंदाज पाहायला मिळत आहे. जयदीप अहलावत हातात बंदूक घेऊन सरदारजीच्या वेशात दिसत आहे. तर बरुण सोबती हात जोडून एखाद्या नेत्याच्या भूमिकेत दिसत आहे. अभिषेक बॅनर्जी नोटांनी खचाखच भरलेली सुटकेस घेऊन जाताना दिसत आहेत. पोस्टरमध्ये पांढरी कार आणि एका कुत्र्याचीही झलक पाहायला मिळते. (Pushpak Viman first look)
या सगळ्या गोष्टींमुळे चित्रपटात नेमका कोणता गोंधळ, थरार आणि कॉमेडी पाहायला मिळणार, याची उत्सुकता निर्माण झाली आहे. हे हटके पोस्टर शेअर करत नेटफ्लिक्सने भन्नाट कॅप्शन दिले आहे. ‘तुमचे सीटबेल्ट घट्ट बांधा. हा प्रवास आता थोडा खडबडीत होणार आहे. ‘पुष्पक विमान’ पाहा, लवकरच येत आहे, फक्त नेटफ्लिक्सवर.’ असे म्हटले आहे. (Pushpak Viman first look)
View this post on Instagram
‘पुष्पक विमान’ची निर्मिती सुदीप शर्मा यांनी केली आहे. या प्रोजेक्टचे सहलेखन सुदीप शर्मा आणि अभिषेक बॅनर्जी यांनी मिळून केले असून, फिल्म स्क्वॉड प्रोडक्शन्स एलएलपीने याची निर्मिती केली आहे. (Pushpak Viman first look)
जयदीप अहलावत, अभिषेक बॅनर्जी आणि बरुण सोबती हे तिघेही आपल्या दमदार अभिनयासाठी आणि वेगवेगळ्या धाटणीच्या भूमिका साकारण्यासाठी ओळखले जातात. त्यामुळे या तिघांची एकत्रित केमिस्ट्री काय कमाल करणार, हे पाहणे रंजक ठरणार आहे. (Pushpak Viman first look)
दरम्यान, ‘पुष्पक विमान’च्या प्रदर्शनाची तारीख अद्याप जाहीर करण्यात आलेली नाही. मात्र, नेटफ्लिक्सने शेअर केलेल्या पोस्टरमुळे या क्राईम-कॅपरची जोरदार चर्चा रंगली आहे.





