Inderjit Singh Bindra passes away : क्रिकेट प्रशासनातील एक सुवर्णकाळ संपला! BCCI चे माजी अध्यक्ष इंद्रजित सिंह बिंद्रा यांचे निधन
Inderjit Singh Bindra passes away : भारतीय क्रिकेट नियामक मंडळाचे माजी अध्यक्ष इंद्रजित सिंह बिंद्रा यांचे वयाच्या ८४ व्या वर्षी निधन
Inderjit Singh Bindra passes away : भारतीय क्रिकेट नियामक मंडळाचे माजी अध्यक्ष आणि ज्येष्ठ क्रिकेट प्रशासक इंद्रजित सिंह बिंद्रा यांचे रविवारी वयाच्या ८४ व्या वर्षी निधन झाले. त्यांच्या निधनाने भारतीय क्रिकेट प्रशासनातील एक सुवर्णकाळ संपल्याची भावना व्यक्त केली जात आहे.
बिंद्रा यांनी भारतीय क्रिकेटला जागतिक स्तरावर नेण्यात आणि व्यावसायिकदृष्ट्या सक्षम करण्यात मोलाची भूमिका बजावली होती. दरम्यान, आयसीसीचे अध्यक्ष जय शाह यांनीही शोक व्यक्त केला आणि सोशल मीडियावर एक भावनिक पोस्ट शेअर केली.
त्यांनी आपल्या ट्विटमध्ये म्हटले की, “इंद्रजित सिंह बिंद्रा यांच्या निधनाची बातमी ऐकून अत्यंत दुःख झाले. ते एक द्रष्टे प्रशासक होते, ज्यांनी भारतीय क्रिकेटची पायाभरणी मजबूत केली. त्यांचे योगदान पिढ्यानपिढ्या लक्षात राहील.” क्रिकेट क्षेत्रातील अनेक दिग्गज खेळाडू आणि प्रशासकांनी बिंद्रा यांना सोशल मीडियाच्या माध्यमातून श्रद्धांजली अर्पण केली आहे. Inderjit Singh Bindra passes away :
इंद्रजित सिंह यांची कारकीर्द
इंद्रजित सिंह यांची १९७५ पासून सुरू झालेल्या क्रिकेट प्रशासनात चार दशकांची कारकीर्द होती. त्यांनी भारतीय क्रिकेट टेलिव्हिजन बाजारपेठेतील बीसीसीआयला जगातील सर्वात श्रीमंत बोर्ड बनण्यास मदत केली. १९७८ ते २०१४ पर्यंत त्यांनी पंजाब क्रिकेट असोसिएशनचे अध्यक्ष म्हणून काम पाहिले. Inderjit Singh Bindra passes away :
The BCCI mourns the passing of former BCCI President – Mr IS Bindra. 🙏
The Board’s thoughts and prayers are with his family and loved ones. pic.twitter.com/boNAhwNSnL
— BCCI (@BCCI) January 25, 2026
इंद्रजित सिंह बिंद्रा यांनी १९९३ ते १९९६ या काळात बीसीसीआयचे अध्यक्ष म्हणून काम पाहिले. १९८७ आणि १९९६ चा क्रिकेट विश्वचषक भारतात आयोजित करण्यात त्यांचा सिंहाचा वाटा होता. त्यांनी जगमोहन दालमिया यांच्यासोबत मिळून आशियाई देशांचे क्रिकेटमधील महत्त्व वाढवले.
Deepest condolences on the passing of Mr. I S Bindra, former BCCI president and a stalwart of Indian cricket administration. May his legacy inspire future generations. Om Shanti 🙏
— Jay Shah (@JayShah) January 25, 2026
तसेच, पंजाब क्रिकेट असोसिएशनला एका नव्या उंचीवर नेण्याचे श्रेयही त्यांनाच जाते. मोहालीतील जागतिक दर्जाचे क्रिकेट स्टेडियम त्यांच्याच कल्पनेतून साकारले गेले आहे. याशिवाय इंद्रजीत सिंग बिंद्रा यांनी भारताचे सातवे राष्ट्रपती ज्ञानी झैल सिंग यांचे विशेष सचिव म्हणून काम पाहिले.
दरम्यान, २६ जानेवारी रोजी नवी दिल्लीतील लोधी स्मशानभूमीत त्यांचे अंतिम संस्कार केले जातील. त्यांच्या पश्चात पत्नी कमल बिंद्रा, मुलगा अमर बिंद्रा आणि एक मुलगी असा परिवार आहे. Inderjit Singh Bindra passes away :
हेही वाचा:
