Ind vs Pak U19 Asia Cup 2026 Final : भारत आणि पाकिस्तान यांच्यात सुरू असलेल्या अंडर-१९ आशिया कप २०२६ च्या अंतिम सामन्याकडे क्रिकेटप्रेमींचे लक्ष लागले आहे. अमिरात स्टेडियमवर रंगलेल्या या महामुकाबल्यात पाकिस्तानने नाणेफेक जिंकून प्रथम फलंदाजी करण्याचा निर्णय घेतला. पाकिस्तानने ५० षटकांत ९ विकेट्स गमावत ३३७ धावांचा डोंगर उभा केला असून, आता भारतीय संघासमोर विजेतेपद पटकावण्यासाठी ३३८ धावांचे लक्ष्य असणार आहे.

या अंतिम सामन्यात भारतीय संघाला साखळी फेरीतील पराभवाचा वचपा काढण्याची संधी आहे. मात्र, पाकिस्तानच्या फलंदाजांनी दमदार फलंदाजी करत भारतीय गोलंदाजांसमोर मोठे आव्हान उभे केले.

कोणाची कशी राहिली कामिगरी?  (Ind vs Pak U19 Asia Cup 2026 Final)

पाकिस्तानकडून सलामीवीर उस्मान खानने शानदार शतकी खेळी केली. त्याने १११ चेंडूंमध्ये ११ चौकार आणि ३ षटकारांच्या मदतीने १०७ धावा केल्या. त्याला तिसऱ्या क्रमांकावर फलंदाजीला आलेल्या अब्दुल कादिरची उत्तम साथ मिळाली. कादिरने अवघ्या ५४ चेंडूंमध्ये ३ चौकार आणि ८ षटकार ठोकत ८० धावा केल्या. तर फरहान युसूफने ६० चेंडूंमध्ये ४ चौकार आणि ३ षटकारांसह ६३ धावांचे योगदान दिले.

गोलंदाजीला पाकिस्तानच्या धावांचा वेग   (Ind vs Pak U19 Asia Cup 2026 Final)

भारताकडून काव्या पटेलने प्रभावी गोलंदाजी करत १० षटकांत ६८ धावा देत ४ विकेट्स मिळवल्या. व्यंकटने ५ षटकांत ४० धावा देत ३ फलंदाजांना माघारी धाडले. अर्जुन राजपूतला एक विकेट मिळाली. मात्र, भारतीय गोलंदाजीला पाकिस्तानच्या धावांचा वेग रोखण्यात अपेक्षित यश मिळाले नाही. मनाल चौहानला ३ षटकांत ४० धावा मोजाव्या लागल्या.

राजेश रायचंदानीच्या नेतृत्वाखालील भारतीय संघाने स्पर्धेत दमदार कामगिरी करत अंतिम फेरी गाठली आहे. दुसरीकडे, फरहान युसूफच्या नेतृत्वाखालील पाकिस्तान संघानेही अंतिम सामन्यात स्थान मिळवले आहे. साखळी सामन्यातील पराभवाचा बदला घेत भारतीय युवा संघ आशिया कपवर नाव कोरणार का, याकडे क्रिकेटप्रेमींचे लक्ष लागले आहे.

US Flights : अमेरिकेत सर्व विमानांची उड्डाणे बंद; हजारो प्रवासी विमानतळावर अडकले