डेहराडून – हिमाचल प्रदेशातील रायपूर-कुमालदा परिसरात तसेच मंडी जिल्ह्यात अन्य ठिकाणी शनिवारी पहाटे ढगफुटी झाली, ज्यामुळे नद्यांचे किनारे फुटले आणि पूल वाहून गेले, नदीच्या काठावरील प्रसिद्ध शिवमंदिर असलेल्या टपकेश्वराच्या गुहेतही पाणी शिरले. पहाटे 2.15 च्या सुमारास ही ढगफुटी झाली. प्राथमिक माहितीनुसार या ढगफुटीमुळे आलेल्या पुरात आतापर्यंत तेरा जण मरण पावल्याचे सांगितले जात आहे.

सॉन्ग नदीवरील पूल वाहून गेला आणि मसुरीजवळील लोकप्रिय पर्यटन स्थळ असलसेल्या केम्पटी फॉल्स धोकादायक रीतीने वाहू लागला आहे. ढगफुटीनंतर डझनभर खेड्यांतील घरांमध्ये चिखल व पाणी घुसले. ज्यामुळे राज्य आपत्ती प्रतिसाद दलाने बाधित लोकांना सुरक्षित ठिकाणी हलवण्यास सांगितले.

बाधित गावांमध्ये मालदेवता, भुत्सी, तौलियाकाटल, थाट्युड, लवरखा, रिंगलगड, धुत्तू, रगड गाव आणि सरखेत यांचा समावेश आहे. बाधित रहिवाशांना शाळा आणि पंचायत इमारतींमध्ये हलवण्यात आले आहे. ऋषिकेश-बद्रीनाथ महामार्ग तोताघाटी येथे, ऋषिकेश-गंगोत्री महामार्ग नागनी येथे रोखण्यात आला आहे.