Anuj Agnihotri : काल ६ मार्च देशातील सर्वात अवघड परीक्षा म्हणजेच केंद्रीय लोकसेवा आयोगाचा अंतिम निकाल जाहीर झाला. यामध्ये तब्बल ९५८ उमेदवार आयएएस, आयपीएस आणि आयएफएस अधिकार झाले आहेत. यूपीएससी परीक्षेत अनुज अग्निहोत्री या विद्यार्थ्याने पहिली रँक मिळवली आहे. २६ व्या वर्षी त्याने यूपीएससी परीक्षेत पहिली रँक मिळवून कुटुंबाचे नाव उज्वल केले आहे. परीक्षेत चांगले यश मिळावे यासाठी अनुज यांनी खूप मेहनत घेतली. त्या मेहनतेचे चीज झाले आहे. अनुज अग्नहोत्री मूळचे राजस्थानच्या रावतभाटा येथील रहिवासी आहे. त्यांचा जन्म सर्वसामन्य कुटुंबात झाला असून, वडिल टेक्निशियन म्हणून काम करतात. अनूज यांनी परीक्षेत यश मिळवण्यासाठी खूप मेहनत घेतली आहे. अनुज यांनी सुरुवातीचे शिक्षण रावतभाटा येथून पूर्ण केले. १० उत्तीर्ण झाल्यानंतर ते कोटा येथे पुढील शिक्षसाठी गेले. २०१५ ते २०१७ हा कालावधी त्याच्यासाठी कलाटणी देणारा ठरला. २०१७ मध्ये त्यांनी एम्स आणि नीट यूजीमध्ये चांगली रँक मिळवली. एम्स जोधपूरमधून एमबीबीएस डिग्री प्राप्त केली. २०२३ मध्ये यूपीएससी परीक्षा दिली. विशेष म्हणजे त्यांनी कोणत्याही कोचिंगशिवाय अॅानलाइन अभ्यास करत यूपीएससी परीक्षा पास केली आहे. यामुळे त्यांचे सर्वत्र कौतुक होते आहे. डॉ. अनुज यांनी यापूर्वी दोनदा यूपीएससी परीक्षा उत्तीर्ण केली आहे. २०२३ मध्ये त्यांच्या पहिल्याच प्रयत्नात त्यांनी दिल्ली, अंदमान-निकोबार आणि इतर केंद्रशासित प्रदेशांच्या नागरी सेवा (DANICS) कॅडरमध्ये स्थान मिळवले. त्यानंतर त्यांची दिल्लीमध्ये एसडीएम म्हणून नियुक्ती झाली. परंतु, या यशाला मागे टाकत त्यांनी पुन्हा एकदा प्रयत्न केला आणि पहिली रँक प्राप्त केली. पहिल्या ५ विद्यार्थ्यांची नावे अनुज अग्निहोत्री राजेश्वरी सुवे एम अकांश ढुल राघव झुनझुनवाला ईशान भटनागर हेही वाचा : Fennel Seeds Benefits: फक्त माउथ फ्रेशनर नाही! उन्हाळ्यात बडीशेपचा योग्य वापर केल्यास मिळतील ‘हे’ जबरदस्त आरोग्यदायी फायदे
