Bhooth Bangla Teaser : अभिनेता अक्षय कुमारच्या ‘भूत बंगला’ (Bhooth Bangla) या हार्रर कॅामेडी बहुचर्चेत चित्रपटाचा टीझर रिलीज झाला आहे. नुकतेच या चित्रपटाचे पोस्टर रिलीज करण्यात आले होते. तब्बल १४ वर्षानंतर या चित्रपटातून प्रियदर्शन आणि अक्षय कुमार यांची दिग्दर्शक आणि अभिनेत्याची जोडी चाहत्यांना पाहायला मिळणार आहे. या जोडीने काही चित्रपटांमध्ये एकत्र काम केले आहेत. त्यांच्या प्रत्येक चित्रपटावर प्रेक्षकांनी भरभरून प्रेम केले आहे.Bhooth Bangla Teaser आता या जोडीचा एकत्रित भूत बंगला (Bhooth Bangla) हा नवीन चित्रपट प्रेक्षकांच्या भेटीला येणार आहे. चित्रपटाच्या टीझरमधून लक्षात येते की हा चित्रपट कॅामेडी आणि जबरदस्त पंचलाईन्सने भरलेला आहे. चित्रपटातील स्टारकास्ट मोठी नसली तरी, सर्वात लक्षवेधी गोष्ट म्हणजे परेश रावल असरानी आणि राजपाल यादव यांसारख्या दिग्गज कलाकारांची जुगलबंदी पाहायला मिळणार आहे. टीझरमध्ये त्यांची छोटीशी झलक त्यांनी याआधी साकारलेल्या अविस्मरणीय पात्रांची आठवण करून देते. टीझरमध्ये दाखवलेली भीतीची छोटीशी झलक दिसते. त्यामुळे ट्रेलरमध्ये आणखी स्पष्टपणे एलिमेंट्स दिसतील. तूर्तास दमदार संगीत, रोचक व्हिज्युअल्स, मजेदार पंचलाईन्स आणि अक्षय कुमार-प्रियदर्शन यांची जोडी चाहत्यांच्या आवडीपैकी एक आहे. या चित्रपटात वामिका गब्बी, तब्बू आणि इतरही कलाकारांच्या भूमिका आहेत. चित्रपटाचे दिग्दर्शन प्रियदर्शन यांनी केले असून, निर्माते अक्षय कुमार, शोभा कपूर आणि एकता आर. कपूर आहेत. १० एप्रिल २०२६ रोजी हा चित्रपट प्रदर्शित होणार आहे. बालाजी मोशन पिक्चर्सने केप ऑफ गुड फिल्म्ससोबत मिळून ‘भूत बंगला’ सादर केला आहे. हेही वाचा : Farooq Abdullah attack: “फारुख अब्दुल्ला यांच्या जीवाला धोका” ; राज्यसभेत खरगेंचा सरकारवर आरोप, नड्डा यांचाही पलटवार
