Awarapan 2 :  अभिनेता इमरान हाश्मीचा ‘आवारापन’ हा चित्रपट सुपरहिट ठरला. या चित्रपटाची कथा आणि गाण्यांनी लोकांच्या मनात एक खास स्थान निर्माण केले होते. २००७ मधील या कल्ट क्लासिक चित्रपटाच्या चाहत्यांसाठी एक खूप मोठी आनंदाची बातमी समोर येत आहे. आता या चित्रपटाचा सीक्वल म्हणजेच ‘आवारापन २’ लवकरच प्रेक्षकांच्या भेटीस येणार आहे.

या चित्रपटाबाबत एक अपडेट समोर आली असून, यात ७५ वर्षीय अभिनेत्री शबाना आझमी ‘नफिसा’ नावाच्या पात्रात दिसणार असून, त्यांच्या संपूर्ण चित्रपट कारकिर्दीतील ही पहिलीच खलनायिकेची भूमिका असेल.  यात त्या एका ‘लेडी डॉन’ची भूमिका साकारणार आहेत.   (Awarapan 2 )

Tadap Tadap Ke Song: केके म्हणाले होते, ‘मी हे गाणं गाऊ शकत नाही’; पुढे त्याच गाण्याने रचला इतिहास

गेल्या वर्षी १८ सप्टेंबर २०२५ रोजी आपल्या वाढदिवसाच्या निमित्ताने त्या अधिकृतपणे या चित्रपटाचा भाग असल्याचे समोर आले. या कास्टिंगमागे एक भावनिक कारणही आहे. शबाना आझमी आणि भट्ट कुटुंबाचे नाते अनेक दशके जुने आहे. विशेष भट्ट यांनी सांगितले की, जशी शबानाजींनी या भूमिकेसाठी संमती दिली, तशी चित्रपटाची संपूर्ण कथा एकदम परफेक्ट झाली.  (Awarapan 2)

१४ ऑगस्टला रिलीज होणार चित्रपट   (Awarapan 2)

नितिन कक्कड यांच्या दिग्दर्शनाखाली बनत असलेल्या या नवीन चित्रपटाची कथा बिलाल सिद्दीकी यांनी लिहिली आहे. तर, विशेष भट्ट याचे निर्माते आहेत. मेकर्सनी चित्रपटाच्या रिलीज डेटची घोषणा केली आहे. हा चित्रपट याच वर्षी स्वातंत्र्यदिनाच्या मुहूर्तावर १४ ऑगस्ट २०२६ रोजी चित्रपटगृहांमध्ये धडकणार आहे.

मात्र, चित्रपटात दिशा पटानीची भूमिका कशी असेल आणि इमरान हाश्मीसोबत तिची केमिस्ट्री कशी जमेल, ही गोष्ट मेकर्सनी अजूनही पूर्णपणे गुलदस्त्यात ठेवली आहे. आता चाहत्यांना या चित्रपटाच्या रिलीजची प्रतीक्षा आहे. बॉक्स ऑफिसवर या चित्रपटाची थेट टक्कर सनी देओलच्या ‘बटावारा १९४७’ या चित्रपटाशी होईल. Awarapan 2

हेही वाचा :  

Tadap Tadap Ke Song: केके म्हणाले होते, ‘मी हे गाणं गाऊ शकत नाही’; पुढे त्याच गाण्याने रचला इतिहास