7th Pay Commission DA Hike: केंद्रीय कर्मचाऱ्यांसाठी आनंदाची बातमी आहे. जुलै 2024 मध्ये कर्मचाऱ्यांचा महागाई भत्ता (DA) पुन्हा एकदा वाढणार आहे. केंद्र सरकार वर्षातून दोनदा महागाई भत्ता वाढवते. पहिला 1 जानेवारीपासून लागू झाला असून आता दुसरा 1 जुलैपासून लागू होणार आहे. सरकारने जानेवारीमध्ये डीएमध्ये 4 टक्क्यांनी वाढ केल्यामुळे डीए 50 टक्क्यांवर पोहोचला आहे. आता सरकार महागाई भत्त्यात किती वाढ करणार हे पाहणे महत्वाचे आहे.

डीए 55 टक्क्यांपर्यंत वाढणार का ?

महागाईचा विचार करता सरकार 4 ते 5 टक्क्यांनी महागाई भत्ता वाढवण्याची शक्यता आहे. सरकारने डीएमध्ये 5 टक्के वाढ केल्यास 1 जुलैला कर्मचाऱ्यांचा डीए 55 टक्के होईल. केंद्र सरकारच्या कर्मचाऱ्यांना सध्या 50 टक्के महागाई भत्ता (DA) मिळत आहे. तो जानेवारी 2024 पासून लागू आहे. महागाई भत्त्यात वाढ जुलै 2024 पासून लागू होणार आहे. मात्र, तो मंजूर होईपर्यंत सप्टेंबर उजाडण्याची शक्यता आहे. मागील वर्षांच्या रेकॉर्डवर नजर टाकली तर सरकार सप्टेंबरपर्यंत डीए वाढवण्याची घोषणा करू शकते. मात्र, जुलैपासूनच त्याची अंमलबजावणी होणार आहे.

सरकारने 1 जानेवारी 2024 पासून महागाई भत्त्यात 4 टक्के वाढ करण्यास मान्यता दिली होती. आता सरकारी कर्मचाऱ्यांच्या या 6 भत्त्यांमध्येही लवकरच वाढ होणार आहे. कार्मिक आणि प्रशिक्षण विभागाने (DoPT) 2 एप्रिल 2024 च्या कार्यालयीन ज्ञापनानुसार केंद्र सरकारच्या कर्मचाऱ्यांना मिळणारे भत्ते जारी करण्याच्या सूचना जारी केल्या आहेत. 2016 चे मूल्यांकन आणि शिफारशींचे पालन करून, 7 व्या वेतन आयोगाने रेल्वे कर्मचारी, नागरी संरक्षण कर्मचारी आणि संरक्षण कर्मचारी यांच्यासह केंद्र सरकारच्या कर्मचाऱ्यांना दिल्या जाणाऱ्या फायद्यांचे परीक्षण केले. हे केंद्र सरकारी कर्मचाऱ्यांना लागू होणारे भत्ते आहेत.

महागाई भत्ता, घर भाडे भत्ता, वाहतूक भत्ता, मुलांचा शिक्षण भत्ता, दौऱ्यादरम्यान प्रवास भत्ता, प्रतिनियुक्ती भत्ता, पेन्शनधारकांसाठी निश्चित वैद्यकीय भत्ता, उच्च पात्रता भत्ता, लीव ट्रैवल इनकैशमेंट, लीव इनकैशमेंट, नॉन प्रैक्टिसिंग अलाउंस..हे भत्ते मिळतात.

जेव्हा डीए 50% वर पोहोचतो, तेव्हा सरकारने X, Y आणि Z शहरांमध्ये HRA दर अनुक्रमे 30%, 20% आणि मूळ वेतनाच्या 10% पर्यंत सुधारित केले आहेत. कर्मचाऱ्यांना दिला जाणारा घरभाडे भत्ता त्या शहराच्या श्रेणीवर अवलंबून असतो, जेथे ते राहतात. X, Y आणि Z प्रकारच्या शहरांसाठी HRA अनुक्रमे 27%, 18% आणि 9% होता, जो अनुक्रमे 30%, 20% आणि 10% इतका वाढवला गेला आहे.