प्रसिद्ध संगीतकार प्रीतम चक्रवर्ती यांच्या मुंबई स्टुडिओत चोर झाल्याची घटना घडली आहे. या चोरीच्या घटनेने मोठी खळबळ उडाली आहे. ही चोरीची घटना ४ फेब्रुवारी रोजी घडली. चक्रवर्ती यांच्या अॅाफिसमध्ये काम करणाऱ्या अॅाफिस बॅायने ४० लाख रुपये घेऊन फरार झाल्याची माहिती मिळत आहे. या प्रकरणी मलाड पोलिसांनी चक्रवर्ती यांच्या अॅाफिस बॅायवर गुन्हा दाखल केला असून पोलीस त्याचा शोध घेत आहेत. प्रसिद्ध संगीतकार प्रीतम चक्रवर्ती यांच्या व्यवस्थापकाने ऑफिस बॉयवर ४० लाख रुपये घेऊन पळून गेल्याचा आरोप केला आहे. त्यानुसार पोलिसांनी अॅाफिस बॅायवर गुन्हा दाखल केला आहे.

नेमकं काय घडलं?

मिळालेल्या प्राथमिक माहितीनुसार, ऑफिसमधून ४० लाख रुपये गायब झाल्यानंतर प्रीतमच्या मॅनेजरने अॅाफिस बॅायशी संपर्क साधण्याचा प्रयत्न केला. मात्र त्याने फोन उचलला नाही. त्यानंतर त्यांनी मोबाईल बंद केला. व्यवस्थापकाला काहीतरी गडबड असल्याचा संशय आल्याने त्यांनी प्रीतम चक्रवर्ती यांना माहिती दिली. त्यानंतर हे चोरीचे प्रकरण समोर आले आहे. त्यांच्या कार्यालयात काम करणाऱ्या आशिष सियाल नावाच्या एका कर्मचारी मुलाने कार्यालयातून ४० लाख रुपये चोरले असल्याचा आरोप करण्यात येत आहे.

पैसे ट्रॅालीमध्ये ठेवले आणि….

ही घटना 4 फेब्रुवारी रोजी दुपारी २ वाजता घडली. जेव्हा प्रोडक्शन हाऊसमध्ये काम करणारा एक व्यक्ती ४० लाख रुपये घेऊन प्रीतम चक्रवर्ती यांच्या ऑफिसमध्ये पोहोचला. मॅनेजर विनीत छेडा यांना ही रक्कम आणि काही कागदपत्र दिले. काही कागदपत्रांवर प्रीतमची सही घ्यायची असल्याने त्याने ते पैसे ट्रॉली बॅगमध्ये ठेवले आणि प्रीतमच्या घरी ती व्यक्ती निघून गेली.

मॅनेजर परत आला असता ट्रॉली बॅगमध्ये पैसे नसल्याचे कर्मचाऱ्यांना विचारले असता आशिष सियाल हा पैसे घेऊन प्रीतमच्या घरी जाण्याच्या बहाण्याने निघून गेल्याचे त्याला समजले. व्यवस्थापकाने आशिषशी संपर्क साधण्याचा प्रयत्न केला. पण, त्याने आपला फोन बंद केला होता. काहीतरी गडबड झाल्याचे लक्षात येताच, प्रीतम चक्रवर्ती यांच्याशी बोलून त्यांनी मुंबईतील मालाड पोलीस ठाण्यात तक्रार दाखल केली. पोलिसांनी गुन्हा दाखल केला असून सध्या आरोपीचा शोध सुरू आहे.