Rishabh Shetty Interview : भारतीय सिनेमा इंडस्ट्रीतील मास्टरपीस कांताराचा प्रीक्वल रिलीजसाठी सज्ज आहे. २ अॅाक्टोबरला हा सिनेमा देशभरात रिलीज होणार आहे. सिनेमाच्या अॅडव्हान्स बुकिंगला देखील सुरुवात झाली आहे. दसऱ्याच्या शुभमुहूर्तावर बहुचर्चित कांतारा चॅप्टर १ रिलीज होणार असल्याने चाहत्यांची उत्सुकता शिगेला लागलेली आहे.

सिनेमा रिलीज होण्यासाठी अवघे काही दिवस शिल्लक राहिले असताना आता सिनेमाचा दिग्दर्शक आणि अभिनेता ऋषक शेट्टी यांच्या मुलाखती समोर येत आहेत. कांतारा चॅप्टर १ बनण्यामागची प्रचंड मेहनत याविषयी ऋषभने मुलाखतींमध्ये भरभरून सांगितले आहे.

सिनेमाचे संपूर्ण शुटिंग पूर्ण केल्यानंतर एक रॅपअप व्हिडीओ देखील ऋषभ शेट्टीने शेअर केला होता. २०२२ मध्ये ‘कांतारा’ने  बॅाक्स अॅाफिसवर धुराळा घालत प्रेक्षकांच्या पसंतीची पोचपावती मिळवली होती. या सिनेमानंतर याचा प्रीक्वल येणार असल्याची घोषणा स्वतः रिषभ शेट्टीने केली होती. या सिनेमाची कथा पहिला भाग जिथे संपतो त्याच्या आधीची असणार आहे. ऋषभने मुलाखतीत कांतारा चॅप्टर १ बनण्यामागची कहाणी सांगितली आहे.

एका मुलाखतीत तुमच्यासाठी कांतारा काय आहे? या प्रश्नावर सगळकाही…असं एकाच शब्दांत ऋषभने दिलेले उत्तर त्याची सिनेमाविषयीची आत्मियता किती आहे, हे सांगणारे आहे. पाच वर्षांपासून याच जगात आहे, आम्ही कंधापूर गावात शूटिंग केले आहे. राजमौली, रजनीकांत, कमल हासन यांना पाहून इंडस्ट्रीत आलो असल्याचे ऋषभने निशून सांगितले. ते माझ्यासाठी प्रेरणा असल्याचेही त्याने नमूद केले.

दिग्दर्शक असताना १. ४ कोटीमध्ये एक पिक्चर तयार केला होता, त्यातून १५ ते १६ कोटीची कमाई झाली. असा पिक्चर मी पहिल्यांदाच केला आहे. हा एक पिक्चर नसून पाच सहा पिक्चर मिळून एक आहे. यासाठी खूप मेहनत घेतली असून २५० दिवसांचे शुटिंग झाले. हा पिक्चर म्हणजे एक रिस्क आहे, याचे उदाहरण म्हणजे यातील अॅक्शन सीक्वन्ससाठी घेतलेली मोठी रिस्क. ऋषभने त्याची पत्नी प्रगती हिचा देखील उल्लेख करत तिच्याशिवाय हा पिक्चर होऊच शकला नसता असे सांगितले.

कांताराच्या पहिल्या भागासाठी बजेट खूप कमी होते. पण सिनेमाला मिळालेला प्रतिसाद पाहता कांतारा चॅप्टर १ चे बजेट १०० कोटींचे असल्याचे सांगितले जात आहे. मात्र, निश्चित आकडा काय आहे याची माहिती मिळू शकलेली नाही.

ऋषभ शेट्टी नागा साधूच्या भूमिकेत

आता या सिनेमात ऋषभचा रोल काय असणार याविषयी माहिती समोर आली असून तो या सिनेमात एका नागा साधूच्या भूमिकेत दिसणार आहे. तर या सिनेमाची सुरूवात दंतकथेपासून होणार आहे. सिनेमातील अॅक्शन सीनसाठीही प्रचंड मेहनत घेण्यात आली आहे. अॅक्शन सीनसाठी रॅगिग तंत्रज्ञानाचा वापर करण्यात आला आहे.

थोडक्यात कथा काय असणार?

अमेरिकेनी तिकीट बुकिंग वेबसाईट फॅनट्यांगोने याबाबात माहिती दिली आहे. कांतारा चॅप्टर १ ची कथा ही २०२२ च्या अगोदर ३०० इसवी सनाच्या काळातली असणार आहे. या सिनेमात कदमवंश दाखविण्यात आला आहे. सिनेमाची कथा बनवासीच्या रहस्यमय जंगलात घेऊन जाणारी असणार आहे. या जंगलात दिव्य शक्ती असून येथे देव परंपराची पूजा दाखवण्यात येणार आहे, अशी थोडक्यात कथा कांतारा चॅप्टर १ ची असणार आहे.

हेही वाचा : “ही त्यांची मन कि बात..” ; इटलीच्या पंतप्रधान मेलोनींच्या पुस्तकावर पंतप्रधानांची प्रतिक्रिया