Vaibhav Sooryavanshi Record : १५ वर्षाच्या वैभव सूर्यवंशीने मँचेस्टरमध्ये रचला नवा इतिहास! ३७ वर्षांपूर्वीचा सचिन तेंडुलकरचा मोडला विक्रम
Vaibhav Sooryavanshi Record : मैदानावर उतरून पदार्पणाची कॅप स्वीकारताच वैभवने 'गॉड ऑफ क्रिकेट' सचिन तेंडुलकरचा तब्बल ३७ वर्षांपूर्वीचा ऐतिहासिक विक्रम मोडीत काढला आहे.
Vaibhav Sooryavanshi Breaks Sachin Tendulkar Record Youngest to debut for India : भारत आणि इंग्लंड यांच्यात मँचेस्टर येथील ओल्ड ट्रॅफर्ड स्टेडियमवर सुरू असलेल्या दुसऱ्या टी-२० सामन्यात जागतिक क्रिकेट इतिहासातील एका सुवर्ण पानाची नोंद झाली आहे. चाहत्यांची प्रदीर्घ प्रतीक्षा अखेर संपली असून, भारताचा १५ वर्षीय फलंदाज वैभव सूर्यवंशीला प्लेइंग इलेव्हनमध्ये स्थान देत आंतरराष्ट्रीय क्रिकेटमध्ये पदार्पणाची सुवर्णसंधी देण्यात आली आहे. मैदानावर उतरून पदार्पणाची कॅप स्वीकारताच वैभवने ‘गॉड ऑफ क्रिकेट’ सचिन तेंडुलकरचा तब्बल ३७ वर्षांपूर्वीचा ऐतिहासिक विक्रम मोडीत काढला आहे.
अवघ्या १५ वर्षे ९९ दिवसांच्या वयात पदार्पण करतत रचला इतिहास –
वैभव सूर्यवंशी हा भारताकडून आंतरराष्ट्रीय पुरुष क्रिकेटमध्ये पदार्पण करणारा इतिहासातील सर्वात तरुण खेळाडू ठरला आहे. त्याने अवघ्या १५ वर्षे आणि ९९ दिवस वयात हा पराक्रम केला. सामन्यापूर्वी त्याला भारताचा युवा खेळाडू तिलक वर्माने अधिकृत पदार्पणाची कॅप बहाल केली. यापूर्वी हा विक्रम महान सचिन तेंडुलकरच्या नावावर होता. सचिनने १९८९ मध्ये पाकिस्तानविरुद्ध १६ वर्षे २०५ दिवस वय असताना पदार्पण केले होते. आज ३७ वर्षांनंतर वैभवने तो विक्रम मोडीत काढला.
A historic day for Indian cricket 💙
Vaibhav Sooryavanshi makes his #TeamIndia debut at 1️⃣5️⃣ years, 9⃣9⃣ days 👏#ENGvIND pic.twitter.com/qwS2hx4RW8
— BCCI (@BCCI) July 4, 2026
भारताकडून सर्वात कमी वयात पदार्पण करणारे अव्वल ३ खेळाडू:
The start of a special chapter ✨
A proud moment as Vaibhav Sooryavanshi receives his #TeamIndia cap from Vice-Captain Tilak Varma 🧢
Updates ▶️ https://t.co/WYfL8tAm58 #ENGvIND pic.twitter.com/zpLtixYDgM
— BCCI (@BCCI) July 4, 2026
- वैभव सूर्यवंशी: १५ वर्षे ९९ दिवस (बनाम इंग्लंड, २०२६)
- सचिन तेंडुलकर: १६ वर्षे २०५ दिवस (बनाम पाकिस्तान, १९८९)
- पियुष चावला: १७ वर्षे ७५ दिवस (बनाम इंग्लंड, २००६)
आयपीएल २०२६ चा ‘ऑरेंज कॅप’ विजेता –
वैभव सूर्यवंशी सध्या अत्यंत दमदार फॉर्ममध्ये आहे. आयपीएल २०२६ च्या हंगामात त्याने आपल्या स्फोटक फलंदाजीच्या जोरावर तब्बल ७७६ धावा कुटत ‘ऑरेंज कॅप’वर आपले नाव कोरले होते. एवढेच नव्हे तर, अंडर-१९ विश्वचषकाच्या फायनलमध्ये त्याने ८० चेंडूंत १७५ धावांची वादळी खेळी खेळली होती. याच उत्कृष्ट कामगिरीचे बक्षीस म्हणून त्याला वरिष्ठ संघात स्थान मिळाले असून, इंग्लंडविरुद्धच्या या मालिकेत तो आपल्या बॅटने काय चमत्कार करतो, याकडे संपूर्ण क्रीडा विश्वाचे लक्ष लागले आहे.
