Mithun Chakraborty : बॅालिवूडमध्ये आपल्या नावे डिस्को डॅान्सर ही उपाधी मिळणारा अभिनेता मिथुन चक्रवती याने केलेल्या विधानामुळे अभिनेता चांगलाच चर्चेत आला आहे. पाकिस्तानकडून भारताला मिळालेल्या धमक्यांवर मिथुननं त्याच्या खास शैलीत उत्तर देत त्याच्याकडे सर्वांच लक्ष वेधून घेतलं आहे. त्याच्या या विधानाचा व्हिडीओ सोशल मीडियावर चांगलाच व्हायरल झाला आहे. 

पत्रकारांनी विचारलेल्या प्रश्नावर मिथुनने 140 कोटी भारतीयांनी धरणात लघुशंका केली आणि त्या धरणाचे दरवाजे उघडले तर पाकिस्तानमध्ये त्सुनामी येईल, असं म्हटंल आहे. त्याने केलेले हे विधान सोशल मीडियावर चर्चेचा विषय बनले आहे. पाकिस्तानने काश्मीरमधील पहलगाम येथे भारतीय नागरिकांवर हल्ला करत त्यांना ठार केले. यानंतर भारताने अॅापरेशन सिंदूर मोहिम राबवत पाकाड्यांना जोरदार प्रत्युत्तर दिलं. मात्र, अजूनही त्यांचा माज काही केला उतरला नसल्याचं दिसत आहे.

पाकिस्तानचे लष्करप्रमुख असीम मुनीर यांनी अमेरिकेत जाऊन भारताला अण्स्त्रांची धमकी दिली होती. यानंतर आता पाकिस्तानचे परराष्ट्रमंत्र्याने जर सिंधू नदीवर धरण बांधलं तर पाकिस्तान युद्ध करेल असं विधान करून खळबळ उडवून दिली आहे. बिलावल भुट्टो असं पाकिस्तानच्या परराष्ट्र मंत्र्याचं नाव आहे. त्याला जोख प्रत्युत्तर मिथुन यांनी देत अजब मार्ग सुचवला आहे.

पाकिस्तानाचे परराष्ट्रमंत्री काय म्हणाले होते?

खरंतर पाकिस्तानचे परराष्ट्र मंत्री बिलावल भुट्टो याने सिंधु नदीवरील जलप्रकल्प पाकिस्तानच्या जलसुरक्षेला धोका आहे. भारताने याचे पाणी वळवलं गेलं, तर हा प्रकार थेट युद्धाला कारणीभूत ठरेल, असं विधान केलं होतं. त्या आधी पाकिस्तानचा सेना प्रमुख जनरल असीम मुनीर याने भारताला अण्वस्त्रांच्या वापराची उघड धमकी दिली होती.

नेमकं काय म्हणाले मिथुन चक्रवती?

बिलावर भुट्टो असं बोलत राहिले तर आमचे डोके सटकेल, एकानंतर एक ब्रह्मोस डागले जातील. यातील काहीच नाही झालं तर आम्ही विचार केला आहे की एक धरण बांधू. त्यामध्ये 140 कोटी भारतीय लघुशंका करतील. त्यानंतर आम्ही धरणाचे दारे उघडू. कोणतीही गोळी चालणार नाही, पण त्सुनामी येईल, असं विधान केल्यानंतर मिथुन यांनी आपण जे काही बोललो ते पाकिस्तानच्या लोकांना नाही तर बिलावल भुट्टोला बोललो असल्याचं स्पष्ट केलं आहे.

हेही वाचा : Dhananjay Munde : सरकारी बंगला न सोडणाऱ्या मुंडेंचा गिरगाव चौपाटीवर आलिशान फ्लॅट; खरेदी केल्यापासून बंदच