मुंबई : मुंबईच्या धारावी झोपडपट्टीत राहणारी 14 वर्षीय मलिषा खारवा ही लक्‍झरी ब्युटी ब्रॅंड फॉरेस्ट एसेंशियल्सच्या “द युवती कलेक्‍शन’ या नवीन मोहिमेचा चेहरा बनली आहे.

हॉलीवूड अभिनेता रॉबर्ट हॉफमन याने 2020 मध्ये मुंबईत मलिषाचा शोध लावला. त्याने नंतर मुलीसाठी गो फंड मी पेज सेट केले. 14 वर्षीय मलिशा खारवाचे इंस्टाग्रामवर 2 लाख 25 हजारांहून अधिक फॉलोअर्स आहेत.

मलिशा तिच्या पोस्टमध्ये अनेकदा #princessfromtheslum हा हॅशटॅग जोडते. अलिकडच्या वर्षांत तिने अनेक मॉडेलिंग गिग केले आहेत आणि “लिव्ह युवर फेयरीटेल’ नावाच्या शॉर्ट फिल्ममध्ये देखील दिसली आहे.

 

View this post on Instagram

 

A post shared by @forestessentials

आता, फॉरेस्ट एसेंशियल या सामाजिक उपक्रमाच्या “युवती निवड’ या नवीन मोहिमेचा चेहरा म्हणून तिच्याकडे पाहिले जाते. “तरुण मनांना सशक्त करणे” हे त्याचे उद्दिष्ट आहे.

एप्रिलमध्ये, ब्रॅंडने इंस्टाग्रामवर एक मस्त व्हिडिओ शेअर केला होता, ज्यामध्ये मलिशा त्यांच्या स्टोअरमध्ये प्रवेश करत होती. त्यात त्यांच्या प्रचाराची छायाचित्रे होती. “तिची स्वप्ने तिच्यासमोर उलगडताना पाहण्यासाठी तिचा चेहरा आनंदाने उजळला. मलिशाची कहाणी ही एक सुंदर आठवण आहे की स्वप्ने खरोखरच सत्यात उतरतात. हा व्हिडिओ लवकरच इंटरनेटवर 5 दशलक्षाहून अधिक व्ह्यूजसह व्हायरल झाला.