Liquor Deaths : मोठी दुर्घटना..! दारूमुळे १४ जणांचा मृत्यू; ३०० हून अधिक जण रुग्णालयात दाखल
Liquor Deaths : मणिपूरमध्ये विषारी दारूच्या सेवनामुळे एक अत्यंत भीषण आणि दुर्दैवी घटना समोर आली आहे.

Liquor Deaths : मणिपूरमध्ये विषारी दारूच्या सेवनामुळे एक मोठी दुर्घटना घडली आहे. गेल्या ४८ तासांत किमान १४ जणांचा मृत्यू झाला असून, ३०० हून अधिक जणांना विविध रुग्णालयांमध्ये दाखल करण्यात आले आहे. यापैकी अनेक रुग्णांची प्रकृती गंभीर असल्याचे वृत्त आहे. (Liquor Deaths)
दारूमध्ये मिथेनॉलची भेसळ झाल्याचा संशय आहे. या घटनेनंतर राज्य सरकार, आरोग्य विभाग आणि जिल्हा प्रशासन सतर्क झाले आहे. रुग्णालयांमध्ये विशेष वैद्यकीय पथके तैनात करण्यात आली असून, अवैध दारू व्यापाराविरोधात मोठी कारवाई सुरू करण्यात आली आहे. (Liquor Deaths)
पोलीसांनी दिलेल्या माहितीनुसार, चंडेल जिल्ह्यातील चकपिक्रोंग आणि आसपासच्या परिसरात स्थानिक दारूचे सेवन केलेल्या लोकांना १८ नोव्हेंबर रोजी प्रकृती अस्वास्थ्याचा त्रास जाणवू लागला. काही तासांतच, मोठ्या संख्येने लोकांना चक्कर येणे, पोटदुखी आणि इतर गंभीर लक्षणे दिसू लागली. (Liquor Deaths)
त्यानंतर त्यांना उपचारासाठी रुग्णालयात दाखल करण्यात आले. आतापर्यंत किमान १४ जणांचा मृत्यू झाला असून, ३०० हून अधिक जणांवर उपचार सुरू आहेत. अनेक रुग्णांची प्रकृती गंभीर असल्याने, मृतांचा आकडा वाढण्याची शक्यता आहे. (Liquor Deaths)
बहुतांश रुग्णांना इम्फाळमधील जेएनआयएमएस, रिजनल इन्स्टिट्यूट ऑफ मेडिकल सायन्सेस (रिम्स), शिजा हॉस्पिटल आणि बबिना हॉस्पिटलमध्ये दाखल करण्यात आले आहे. विविध आरोग्य केंद्रांमध्ये शेकडो रुग्णांवर उपचार सुरू आहेत. (Liquor Deaths)
काहींना तर हेमोडायलिसिसचीही गरज भासली आहे. शिजा हॉस्पिटलच्या अधिकाऱ्यांनी सांगितले की, मोठ्या संख्येने रुग्ण मिथेनॉल विषबाधेच्या संभाव्य लक्षणांसह दाखल झाले आहेत. (Liquor Deaths)
Pune Liquor : गणेशोत्सवात पुण्यात 12 दिवस दारुबंदी; हायकोर्टाने फटकारताच प्रशासनाचा यू टर्न




