Urfi Javed video : नीट पेपरफुटी प्रकरणी पुकारण्यात आलेले विद्यार्थ्यांचे आंदोलन संपले असली तरी सीजेपीचे संस्थापक अभिजीत दीपके यांच्यावर गंभीर आरोप करत सोशल मीडिया इन्फ्लुएन्सर फैजान अन्सारी यांनी दिल्ली पोलिसांकडे तक्रार दाखल आहे.

या पार्श्वभूमीवर सोशल मीडियावर एक नवा वाद निर्माण झाला आहे. या प्रकरणी आता मॅाडेल उर्फी जावेद ( Urfi Javed )हिच्यावर गंभीर आरोप करण्यात आले आहेत. फैजानच्या दाव्यानुसार, सीजेपीला पाठिंबा देण्यासाठी उर्फीने अभिजीत दीपके यांच्याकडून १ लाख रुपये घेतले होते.   (Urfi Javed video)

हा आरोप सोशल मीडियावर व्हायरल होताच उर्फी जावेदने संतप्त प्रतिक्रिया दिली. तिने तिच्या इन्स्टाग्राम स्टोरीवर एक व्हिडिओ शेअर करत या दाव्यांना फेटाळून लावले आहे.

“१ लाख रुपये? आधी जाऊन बघा, मी एका इन्स्टाग्राम रीलसाठी किती मानधन घेते,” अशा शब्दांत तिने फैजानच्या आरोपांची खिल्ली उडवली. उर्फीचा हा व्हिडिओ सोशल मीडियावर तुफान व्हायरल होत आहे.  (Urfi Javed video)

 

View this post on Instagram

 

A post shared by Uorfi (@urf7i)

व्हिडिओच्या माध्यमातून उर्फीने प्रश्न उपस्थित केला की, “एवढ्या कमी रकमेसाठी ती तिच्या सोशल मीडिया अकाउंटवर कोणत्याही संस्थेच्या समर्थनार्थ पोस्ट का करेल?” तसेच उर्फीने फैजान अन्सारीवरही जोरदार टीका करत “हा माणूस प्रसिद्धी मिळवण्यासाठी सतत इतरांची नावे वापरतो,” असा आरोप केला. यामुळे आता सोशल मीडियावर फैजान अन्सारी विरुद्ध उर्फी जावेद यांच्यात चांगलीच झुंपली असल्याचं बघायला मिळतं आहे.   (Urfi Javed video)

Urfi Javed

“जर कोणी हे सिद्ध केलं की…”   (Urfi Javed video)

उर्फीच्या म्हणण्यानुसार, फैजानने यापूर्वीही तिच्याबद्दल अनेक वेळा खोटे दावे आणि आक्षेपार्ह वक्तव्ये केली आहेत. त्यामुळे त्याच्या आरोपांना कोणताही आधार नसल्याचं तिनं स्पष्ट केलं. तसेच लोकांनी अशा दाव्यांवर सहज विश्वास ठेवू नये, असे आवाहनही तिने सोशल मीडियावर शेअर केलेल्या व्हिडिओतून केलं आहे.

ती म्हणाली “जर कोणी हे सिद्ध केलं की तिने या प्रकरणात एक रुपयाही घेतला आहे, तर ती त्याच दिवशी तिची सर्व सोशल मीडिया अकाऊंट कायमची बंद करेल.” याशिवाय, कोणतीही पडताळणी न करता काही माध्यमांनी ही बातमी प्रकाशित केल्याबद्दल उर्फीने यावर तीव्र नाराजी व्यक्त केली. एखाद्या व्यक्तीच्या आरोपांच्या आधारे बातमी करण्यापूर्वी तथ्यांची खातरजमा करणे आवश्यक असल्याचं ती म्हणाली.

Sonam Wangchuk: “विद्यार्थ्यांच्या न्यायाच्या लढ्यात मी…”, झारखंड आंदोलनावर सोनम वांगचुक यांची मोठी प्रतिक्रिया