Rajinikanth – विधानसभा निवडणुकीचे निकाल लागल्यानंतर, सरकार स्थापन करण्याच्या प्रयत्नात दोन प्रमुख राजकीय पक्षांना एकत्र आणण्यासाठी आपण प्रयत्न केले, अशा सध्या सुरू असलेल्या आरोपांचे खंडन करताना, अभिनेते रजनीकांत यांनी रविवारी सांगितले, मी अशा प्रकारची नीच कृत्ये करणारा लज्जास्पद व्यक्ती नाही.

माजी मुख्यमंत्री एम. के स्टॅलिन यांच्याशी माझी जुनी मैत्री असून, इला कोणताही राजकीय पदर नाही. शिवाय नवे मुख्यमंत्री थलपती विजय हेही माझे उत्तम मित्र आहेत.

रजनीकांत यांनी असेही म्हटले की, इतक्या तरुण वयातच राज्यातील दोन प्रमुख पक्षांचा पराभव करून मिळवलेल्या यशाबद्दल ते विजय यांचे कौतुक करतात. पोएस गार्डन येथील आपल्या निवासस्थानी पत्रकारांना संबोधित करताना रजनीकांत म्हणाले, विधानसभा निवडणुकीचे निकाल जाहीर झाल्यानंतर, मी द्रमुकचे अध्यक्ष एम.के. स्टालिन यांची भेट घेतली.

या भेटीवरून काही टीकाही झाली. स्टालिन आणि मी गेल्या जवळपास चार दशकांपासून मित्र आहोत. लोकशाहीमध्ये जय आणि पराजय या गोष्टी अगदी स्वाभाविक असतात. परंतु, कोलाथूर विधानसभा मतदारसंघात स्टालिन यांचा झालेला पराभव पाहून मला अस्वस्थ वाटले. त्यामुळे, एक मित्र म्हणून मी त्यांची भेट घेतली.

दुसरी गोष्ट म्हणजे, मी विजय यांचे अभिनंदन केले नाही, असाही एक आरोप केला जात आहे. विजय मुख्यमंत्री होणार असल्याबद्दल मला प्रश्न विचारणारी ती व्यक्ती पाहता, ती कोणी पत्रकार असल्याचे वाटले नाही. त्यामुळेच मी त्यांना काहीही उत्तर दिले नाही. निवडणुकीत विजय यांचा विजय झाल्याची बातमी समजताच, मी समाजमाध्यमावरून त्यांचे अभिनंदन केले होते.