Gadchiroli News : गडचिरोली पोलिसांनी (Gadchiroli News) राबवलेल्या एका मोहिमेत नक्षलवाद्यांनी गुप्तपणे लपवून ठेवलेले शस्त्रनिर्मितीसाठी वापरले जाणारे लेथ आणि ड्रिलिंग यंत्रे, तसेच पाईप्ससारखे साहित्य जप्त करून नष्ट करण्यात आले.

गडचिरोली पोलिसांच्या (Gadchiroli News) निवेदनानुसार, १६ मे रोजी ऑपरेशन अंतिम प्रहार अंतर्गत शरणागती पत्करलेल्या माओवाद्यांच्या सखोल चौकशीदरम्यान गडचिरोली जिल्ह्यातील पोमकेन्ग बिनागुंडा या वनक्षेत्रात शस्त्रनिर्मितीचे साहित्य आणि इतर वस्तू लपवून ठेवल्याची माहिती पोलिसांना मिळाली होती.

२१ मे रोजी गडचिरोलीचे (Gadchiroli News) पोलीस अधीक्षक एम. रमेश यांच्या मार्गदर्शनाखाली गडचिरोली आणि प्राणहिता येथील विशेष कृती दले, सहा संयुक्त पथके आणि बॉम्ब शोधक व नाशक पथकाची दोन पथके वनक्षेत्रात शोधमोहीम राबवण्यासाठी रवाना करण्यात आली. २२ मे रोजी, पोमकेन्ग बिनागुंडाच्या उत्तरेकडील वनक्षेत्राला पोलिसांनी वेढा घातला आणि पथकांनी त्या भागात कसून शोध घेतला.

यामध्ये आम्ही माओवाद्यांचे विविध साहित्य जप्त केले, ज्यामध्ये एक लेथ मशीन, बीजे पाईपचे तुकडे, १२-बोरचे पाईप्स, इन्व्हर्टर, जनरेटर, बॅटरी, ग्राइंडिंग/ड्रिलिंग यंत्रे, जिग-सॉ मशीन, प्रेशर पंप, सोलर पॅनेल आणि २० फुटी फुटबॉल पाईप्स इत्यादींचा समावेश होता. जप्त करण्यात आलेले माओवाद्यांचे हे सर्व साहित्य घटनास्थळीच पोलीस पथकातील जवानांच्या मदतीने नष्ट करण्यात आले, अशी माहितीही देण्यात आली.