Gautami Patil: गौतमीला तिच्या लग्नाबाबत अनेकदा प्रश्न विचारले जातात. तिचे चाहतेही तिच्या लग्नाबाबत जाणून घेण्यासाठी उत्सुक असतात. यावेळीही मीडियाने तिला लग्नाबाबत प्रश्न विचारला. हा प्रश्न ऐकताच गौतमी आधी हसली आणि नंतर लाजत तिने उत्तर दिले. गौतमी म्हणाली, “अजून डोक्यात नाही. पण जेव्हा मी लग्नाचा विचार करेन, तेव्हा मी कधी लग्न करतेय हे सगळ्यात आधी प्रेक्षकांना सांगेन. आणि मला चांगला कुणी भेटला तर नक्कीच उरकेन.”

गौतमीच्या या उत्तरातून सध्या तिचे लग्न करण्याचे कोणतेही नियोजन नसल्याचे स्पष्ट झाले. योग्य व्यक्ती भेटल्यानंतरच ती लग्नाचा विचार करणार आहे. तसेच, आपल्या आयुष्यातील महत्त्वाची गोष्ट ती सर्वात आधी चाहत्यांसोबत शेअर करेल, असेही तिने सांगितले.

करिअरला दिले प्राधान्य

याआधीही गौतमीला तिच्या लग्नाबाबत अनेक मुलाखतींमध्ये प्रश्न विचारण्यात आले आहेत. त्यावेळी तिने तिच्या लग्नाबाबतची भूमिका स्पष्ट केली होती. गौतमीच्या म्हणण्यानुसार, सोशल मीडियावर तिला चाहत्यांकडून अनेक प्रेमाचे संदेश येतात. इन्स्टाग्रामवर अनेक जण तिला ‘आय लव्ह यू गौतमी’ आणि ‘आय लाइक यू’ असे मेसेज पाठवतात. तिच्या कार्यक्रमांदरम्यानही अनेकदा तिला लग्नासाठी मागणी घातली जाते.

मात्र, गौतमीला सध्या लग्नाची घाई नाही. कारण तिच्या मते, आताशी तिच्या करिअरची सुरुवात झाली आहे. त्यामुळे सध्या तिला लग्नाचा विचार करायचा नाही. आपल्या कामावर आणि करिअरवर लक्ष केंद्रित करायचे आहे.

‘माझ्यासोबत बरंच काही घडलंय…’

गौतमीने यावेळी तिच्या आयुष्याच्या जोडीदाराबाबतही महत्त्वाचे विधान केले. तिला असा जोडीदार हवा आहे, जो तिच्या आयुष्यातील परिस्थिती समजून घेईल. तिच्या भूतकाळातील अनुभव स्वीकारेल आणि प्रत्येक गोष्टीत तिला समजून घेण्याचा प्रयत्न करेल. गौतमी म्हणाली, “मला पार्टनर हवा जो सगळं समजून घेईल. बऱ्याच गोष्टी माझ्यासोबत घडल्या आहेत, तर त्या स्वीकारणारा असावा.”

गौतमीच्या या वक्तव्याची सध्या चर्चा होत आहे. तिच्या मते, लग्नासाठी केवळ प्रेम असणे पुरेसे नाही, तर एकमेकांना समजून घेणे आणि स्वीकारणेही महत्त्वाचे आहे. आयुष्यातील चांगल्या-वाईट अनुभवांसह जोडीदाराने आपल्याला स्वीकारावे, अशी तिची अपेक्षा आहे.

दरम्यान, गौतमीच्या या वक्तव्यामुळे तिच्या चाहत्यांमध्ये तिच्या लग्नाबाबत पुन्हा एकदा उत्सुकता निर्माण झाली आहे. मात्र, सध्या तरी गौतमीने लग्नाचा कोणताही निर्णय घेतलेला नाही. योग्य व्यक्ती भेटल्यानंतरच ती याबाबत विचार करणार आहे. त्यामुळे गौतमीच्या आयुष्यातील या नव्या प्रवासाची तिचे चाहतेही आतुरतेने वाट पाहत आहेत.