शिरूर :  तुकडेबंदी व तुकडेजोड कायद्याच्या तरतुदींचा भंग करून शेती जमिनीचे छोटे-छोटे तुकडे करून त्यांचे खरेदीखत नोंदविण्याचा प्रकार केडगावनंतर आता दौंडमध्ये होत आहे. शिरूर तालुक्या सह इतर तालुक्यातील बेकायदा दस्त आर्थिक मलिदा घेऊन नोंदवले जात आहे.

या कथित बेकायदा दस्तांची नोंदणी दौंड येथील दुय्यम निबंधक कार्यालयात होत असल्याचा गंभीर आरोप केला जात आहे. शिरूर सह इतर तालुक्यातील काही संशयास्पद दस्त दौंड येथे नोंदविले गेल्याचे तक्रारदार गणेश कडू यांनी वरिष्ठ अधिकाऱ्यांच्या निदर्शनास आणून दिले आहे. मात्र, तक्रार करूनही अद्याप चौकशी न झाल्याने “नोंदणी विभागातील या गोरखधंद्याला नेमके कोणाचे संरक्षण?” असा संतप्त सवाल उपस्थित झाला आहे.

शेती जमिनींचे कायदेशीर मर्यादेपेक्षा कमी क्षेत्रफळाचे तुकडे करून त्यांची खरेदी-विक्री करण्याच्या प्रकरणांमुळे पुढे मालकी हक्क, फेरफार, रस्ते, बांधकाम परवानग्या आणि महसूल नोंदीचे गंभीर वाद निर्माण होऊ शकतात. त्यामुळे दस्त नोंदणीच्या वेळी संबंधित कायदेशीर बाबींची तपासणी आणि महसूल अभिलेखांशी सुसंगती अत्यंत महत्त्वाची ठरते. नोंदणी व मुद्रांक विभागाचे अधिकृत कार्यच दस्त नोंदणी व मुद्रांक शुल्क वसुलीशी संबंधित आहे.

Maisa Teaser: रश्मिका मंदानाचा आतापर्यंतचा सर्वात खतरनाक अवतार; ‘मैसा’चा टीझर रिलीज, 27 नोव्हेंबरला होणार धमाका!

संबंधित दस्तांची संपूर्ण साखळी तपासणे आवश्यक

तक्रारदार गणेश कडू यांच्या म्हणण्यानुसार, शिरूर तालुक्यातील काही जमिनींचे कथित गुंठेवारी अथवा नियमबाह्य दस्त दौंड येथील दुय्यम निबंधक कार्यालयात नोंदविले गेले आहेत. जर हे दस्त तुकडेबंदीच्या तरतुदींना बगल देऊन नोंदविण्यात आले असतील, तर संबंधित दस्तांची संपूर्ण साखळी तपासणे आवश्यक आहे.
जमिनीचा मूळ गट क्रमांक, क्षेत्रफळ, प्रस्तावित तुकडा, त्याची कायदेशीर स्थिती, संबंधित परवानग्या, दस्तातील वर्णन, नोंदणीचे ठिकाण आणि त्यानंतर झालेल्या महसूल फेरफार नोंदी यांची पडताळणी केल्यास या प्रकरणाचे वास्तव समोर येऊ शकते.

कडू यांनी या प्रकाराबाबत वरिष्ठ अधिकाऱ्यांकडे तक्रार करूनही अद्याप ठोस चौकशी झाली नसल्याचा आरोप केला आहे. त्यामुळे तक्रारीतील दस्त खरे आहेत की खोटे, नियमबाह्य आहेत की कायदेशीर आहेत, याची अधिकृत चौकशी करण्यास प्रशासनाला नेमकी अडचण कोणती आहे? असा प्रश्न उपस्थित होत आहे. तक्रारदारांनी संबंधित दस्तांची स्वतंत्र तपासणी, नोंदणी प्रक्रियेची चौकशी, दस्तांच्या आधारे झालेल्या फेरफार नोंदींची पडताळणी आणि दोष आढळल्यास संबंधित अधिकारी-कर्मचाऱ्यांची जबाबदारी निश्चित करण्याची मागणी केली आहे.

शेती जमिनींचे छोटे तुकडे करून त्यांची खरेदी-विक्री होत असल्यास त्यातून मोठ्या प्रमाणावर जमीन व्यवहार निर्माण होतात. या व्यवहारांमध्ये दलाल, दस्तलेखक, खरेदीदार-विक्रेते, महसूल यंत्रणा आणि नोंदणी विभागातील प्रक्रिया यांची भूमिका तपासण्याची मागणी होऊ शकते. एखाद्या दस्ताची नोंदणी झाली म्हणजे तो व्यवहार सर्व कायदेशीर अटी पूर्ण करतो, असे आपोआप सिद्ध होत नाही, त्यामुळे प्रत्येक प्रकरणाची कागदपत्रांच्या आधारे स्वतंत्र तपासणी आवश्यक आहे.
अशा प्रकारच्या तक्रारी केवळ एका कार्यालयापुरत्या मर्यादित न ठेवता शिरूर ते दौंड या संपूर्ण दस्त साखळीची चौकशी करण्याची गरज निर्माण झाली आहे.

Canada plane crash : कॅनडात प्रशिक्षणादरम्यान विमान कोसळलं ; दोन भारतीय विद्यार्थ्यांचा मृत्यू

जमिनीच्या नोंदींसाठी कार्यालयांचे हेलपाटे

एकीकडे नागरिकांना कायदेशीर कागदपत्रे, फेरफार आणि जमिनीच्या नोंदींसाठी कार्यालयांचे हेलपाटे मारावे लागतात. दुसरीकडे नियमबाह्य असल्याचा आरोप असलेल्या दस्तांची नोंदणी होत असल्यास हा दुहेरी न्याय ठरू शकतो. त्यामुळे शिरूरमधील संशयास्पद दस्त दौंडमध्ये कोणाच्या परवानगीने किंवा कोणत्या प्रक्रियेत नोंदविले गेले? त्यांची पूर्वतपासणी झाली का? संबंधित महसूल नोंदी तपासल्या का? नोंदणीपूर्वी आवश्यक परवागी घेतली का? या प्रश्नांची उत्तरे प्रशासनाने देणे गरजेचे आहे.

तक्रारदार गणेश कडू यांनी वरिष्ठ अधिकाऱ्यांकडे तक्रार करूनही चौकशी होत नसल्याचा आरोप केला आहे. त्यामुळे आता वरिष्ठ नोंदणी अधिकाऱ्यांनी दौंड कार्यालयातील संबंधित दस्तांची स्वतंत्र चौकशी करून वस्तुस्थिती जनतेसमोर आणावी, अशी मागणी जोर धरत आहे. गुंठेवारीच्या नावाखाली कायद्याला बगल देणाऱ्यांवर कारवाई होणार की तक्रारींच्या फाईली धूळ खात पडणार, याकडे शिरूर-दौंड परिसराचे लक्ष लागले आहे.

NANDED NEWS: शेतात सोयाबीन उभी, पण शेंगांमध्ये दाणाच नाही ; पावसाअभावी शेतकरी हवालदिल