मंचर, (प्रतिनिधी) – यूएस फोरेज कौन्सिलचे सदस्य आणि कॅलिफोर्निया, वॉशिंग्टन आणि उटाह येथील अल्फाल्फा गवताचे मालक/उत्पादक यांचा समावेश असलेल्या युनायटेड स्टेट्समधील शिष्टमंडळाने आंबेगाव तालुक्यातील मंचर येथील पराग मिल्क फूड्स लिमिटेडची उपकंपनी असलेल्या भाग्यलक्ष्मी डेअरी फार्मला भेट दिली. येथील गाईंसाठी वापरण्यात आलेले अल्फाल्फा गवतामुळे गायीची तब्येत निरोगी राहण्यासाठी आणि दूध वाढीवर चांगलाच परिणाम जाणवल्याचे त्यांना दिसून आले.

शिष्टमंडळाने मंचर येथील भाग्यलक्ष्मी डेअरी फार्मला भेट देऊन २०० टन अल्फाल्फा गवत पुरवले आणि त्याचे पौष्टिक फायदे आणि दुग्धोत्पादनावर होणारे परिणाम यावर पुढील चाचण्या केल्या. त्यातून त्यांना असे आढळून आले की, येथील गायींना या गवताचा चांगलाच फायदा झाला आहे. हे गवत खाल्ल्याने त्यांची तब्येतही चांगली झाली व त्याबरोबरच दूधवाढही मोठ्या प्रमाणावर झाली.

मंचर येथील पराग मिल्क फूड्स लिमिटेडची उपकंपनी असलेल्या भाग्यलक्ष्मी डेअरी फार्मकडे ३५०० पेक्षा जास्त गायी आहेत आणि आगामी काळात १५०००हजारांहून अधिक गायींचे व्यवस्‍थापन करण्याचे त्यांचे व्हीजन आहे. अल्फाल्फा गवताच्या माध्यमातून उच्च-गुणवत्तेचा चारा उपलब्ध करून भारतात दूध उत्पादन वाढवण्याचे उद्दिष्ट असणाऱ्या या उपक्रमाला युएसए सरकारचा पाठिंबा असल्याचे शिष्टमंडळाच्या सदस्यांनी सांगितले.

पराग मिल्क फूड्सचे अध्यक्ष देवेंद्र शाह यांनी या गवतामुळे होणारी दूध वाढसंदर्भात आणि निरोगी जनावर होण्यासाठी वापरण्यात आलेले अल्फाल्फा गवत उत्तम प्रतीचे असल्याचा निर्वाळा दिला. यूएसएमधील शिष्टमंडळ भारतातील गाय गोठा प्रकल्पासाठी अल्फाल्फा गवतासंदर्भात कसून चाचणी घेत आहेत आणि त्यानुसार यूएस टीमसोबत गवतासंदर्भात व्यवहार केला जाईल.

या सहयोगी प्रयत्नाचा उद्देश केवळ भाग्यलक्ष्मी डेअरी फार्मलाच फायदा नाही तर राज्यभरातील शेतकऱ्यांना दर्जेदार चारा उपलब्ध करून देणे, ज्यामुळे ते इतर नगदी पिकांवर लक्ष केंद्रित करू शकतात आणि त्यांचे उत्पन्न वाढवू शकतात.

यूएसए शिष्टमंडळ आणि पराग मिल्क फूड्स यांच्यातील बैठकीला अध्यक्ष देवेंद्र शहा, उपाध्यक्ष सचिन शहा, संजय मिश्रा आणि भाग्यलक्ष्मी डेअरी फार्मचे प्रतिनिधी, फार्म व्यवस्थापक संजय मिश्रा, एडमंड पायपर आणि की मॅनेजमेंट टीम सदस्य डॉ. अमोल हात, अतुल मंडलिक आणि अनिकेत थोरात उपस्थित होते.

या उपक्रमात अमेरिका-भारत व्यापार संबंध आणि स्थानिक शेतकऱ्यांचे सक्षमीकरण या दोन्हीसाठी आशादायक संभावना आहेत. दोन देशांमधील कृषी क्षेत्रातील सहकार्याला चालना देऊन, भारतातील आर्थिक वाढ आणि अन्न सुरक्षा वाढवणे हे त्याचे उद्दिष्ट असल्याचे देवेंद्र शहा यांनी सांगितले .

प्रायोगिक तत्त्वावर दोनशे टन चारा भाग्यलक्ष्मी डेअरीला दिला आहे. तो गाईंना देऊन दूध उत्पादनात किती वाढ होते, याचा सविस्तर अभ्यास करून अमेरिकेला व भारत सरकारला अहवाल सादर होईल, असे आढळून आल्यानंतर हा चारा अल्प दराने देशभरातील शेतकऱ्यांना देण्याचे नियोजन आहे. तसे झाल्यास अल्पभूधारक शेतकऱ्यांना अल्प दराने चारा विकत घेऊन दूध व्यवसाय करता येईल. विशेष म्हणजे अमेरिकेत सध्या या चाऱ्यापासून सरासरी ६० लिटर दूध उत्पादन एक गाय देते. भारतातील हवामानानुसार या पौष्टिक चाऱ्यामुळे ४० ते ५० लिटर दूध एका गायीने देणे अपेक्षित आहे.- देवेंद्रशेठ शहा, पराग मिल्क फूड्स