NZ ODI Squad : ४ नोव्हेंबरपासून सुरू होणाऱ्या भारताविरुद्धच्या तीन सामन्यांच्या एकदिवसीय मालिकेपूर्वीच न्यूझीलंडच्या (NZ ODI Squad) गोटात मोठी खळबळ उडाली आहे. मालिका सुरू होण्यासाठी अवघे काही तास शिल्लक असताना किवी संघाला लागोपाठ दोन मोठे धक्के बसले असून, त्यांचे दोन हुकमी एक्के या संपूर्ण मालिकेतून अनपेक्षितपणे बाहेर फेकले गेले आहेत.

आधीच पाच सामन्यांची टी-२० मालिका दुखापतीमुळे गमावलेल्या स्टार अष्टपैलू रचिन रवींद्र आणि भरवशाचा मधल्या फळीतील फलंदाज मार्क चॅपमन यांना आता वन-डे मालिकेतही (NZ ODI Squad) खेळता येणार नसल्याचे स्पष्ट झाले आहे. या दोन्ही प्रमुख खेळाडूंच्या दुखापतींनी न्यूझीलंडच्या अडचणींत मोठी भर घातली आहे.

मार्क चॅपमनच्या डाव्या हॅमस्ट्रिंगला गंभीर दुखापत झाली असून, नुकत्याच झालेल्या एमआरआय स्कॅनमध्ये ही दुखापत बरी होण्यासाठी किमान आणखी दोन आठवड्यांचा कालावधी लागणार असल्याचे समोर आले आहे.

दुसरीकडे, खांद्याच्या जुन्या दुखापतीने त्रस्त असलेल्या रचिन रवींद्रला सुरुवातीच्या सामन्यांसाठी संघात संधी देण्यात आली होती; मात्र अद्याप तो पूर्ण तंदुरुस्त न झाल्याने त्याला अखेर संपूर्ण मालिकेतूनच माघार घ्यावी लागली. किवींचे मुख्य प्रशिक्षक रॉब वॉल्टर यांनी या वृत्ताला दुजोरा देताना तीव्र निराशा व्यक्त केली असून, या दोन्ही खेळाडूंची अनुपस्थिती संघासाठी मोठा धक्का असल्याचे म्हटले आहे.

दरम्यान, या आणीबाणीच्या परिस्थितीत न्यूझीलंड क्रिकेट बोर्डाने तातडीने संघात मोठे फेरबदल केले आहेत. पाचव्या टी-२० सामन्यात अवघ्या काही चेंडूंत ९३ धावांची स्फोटक खेळी करणाऱ्या टिम सायफर्टला आधी केवळ शेवटच्या दोन सामन्यांसाठी निवडण्यात आले होते, पण आता पहिल्या तीनही वन-डेसाठी त्याच्यावर मोठी जबाबदारी सोपवण्यात आली आहे.

त्याच्यासोबतच अनुभवी डावखुरा फलंदाज हेन्री निकोल्सलाही सुरुवातीच्या तीन सामन्यांसाठी पाचारण करण्यात आले आहे. याशिवाय, भारत ‘अ’ संघाविरुद्ध खेळणाऱ्या डीन फॉक्सक्रॉफ्टला मालिकेतील अखेरच्या दोन सामन्यांसाठी संघात (NZ ODI Squad) राखीव म्हणून स्थान देण्यात आले आहे.

एकदिवसीय मालिकेसाठी न्यूझीलंडचा अपडेट संघ

पहिले तीन एकदिवसीय सामने : मिचेल सँटनर (कर्णधार), मायकल ब्रेसवेल, डेव्हन कॉनवे, जेकब डफी, मॅथ्यू फिशर, मॅट हेन्री, काईल जेमिसन, टॉम लॅथम (यष्टीरक्षक), डॅरिल मिचेल, हेन्री निकोल्स, ग्लेन फिलिप्स, टिम सायफर्ट, नॅथन स्मिथ, विल यंग, ​​ब्लेअर टिकनर.

शेवटचे दोन एकदिवसीय सामने : मिचेल सँटनर (कर्णधार), फिन ऍलन, मायकल ब्रेसवेल, ख्रिश्चन क्लार्क, जेकब डफी, मॅथ्यू फिशर, डीन फॉक्सक्रॉफ्ट, लॉकी फर्ग्युसन, मिचेल हे (यष्टीरक्षक), निक केली, टिम सेफर्ट (यष्टीरक्षक), ब्लेअर टिकनर, विल यंग.

भारताचा न्यूझीलंड एकदिवसीय दौरा (India’s ODI tour of New Zealand schedule)

पहिला एकदिवसीय सामना : 4 नोव्हेंबर, 2026 – भारत विरुद्ध न्यूझीलंड (ईडन पार्क, ऑकलंड)
दुसरा एकदिवसीय सामना : 7 नोव्हेंबर, 2026 – भारत विरुद्ध न्यूझीलंड (स्काय स्टेडियम, वेलिंग्टन)
तिसरा एकदिवसीय सामना : 10 नोव्हेंबर, 2026 – भारत विरुद्ध न्यूझीलंड (सेडन पार्क, हॅमिल्टन)
चौथा एकदिवसीय : 13 नोव्हेंबर 2026 – भारत विरुद्ध न्यूझीलंड (बे ओव्हल, माउंट मौनगानुई)
पाचवा एकदिवसीय : 15 नोव्हेंबर 2026 – भारत विरुद्ध न्यूझीलंड (बे ओव्हल, माउंट मौनगानुई)