एकीकडे भाजपला खिंडार तर दुसरीकडे शिंदे गटात राजीनाम्यांचे सत्र; भुईंज आणि पाचवडची राजकीय गणिते पूर्णपणे विस्कळीत. ZP Election2026: – जिल्हा परिषद पंचायत समिती निवडणुकीच्या पार्श्वभूमीवर वाई तालुक्यातील भुईंज जिल्हा परिषद गटामध्ये मोठा राजकीय भूकंप झाला. भाजप सक्रिय कार्यकर्ते व पाचवड गावचे माजी सरपंच व विद्यमान ग्रामपंचायत सदस्य नितीन विसापुरे त्यांच्या समर्थकांसह शिवसेना उबाठा पक्षात प्रवेश केला आहे. भुईंज जिल्हा परिषद गटात मुळचे आरक्षण ओबीसी पुरुष पडले होते. दरम्यान ओबीसींना डावलून अन्य उमेदवार भाजप व राष्ट्रवादीने दिल्याने शिवसेना (उद्धव बाळासाहेब ठाकरे) पक्षामध्ये अधिकृत प्रवेश केला. शिवसेना नेते यांच्या आदेशानुसार शिवसेनेच्यावतीने गटातील अधिकृत उमेदवारी जाहीर करुन त्यांनी उमेदवारी अर्ज दाखल केला. ओबीसी आरक्षित जि.प. मतदारसंघात दोन्ही मात्तबरांनी अतिक्रमण करून मुळ ओबीसी डावलल्याने सर्व ओबीसीची ताकद एकवटेली आहे. त्याचबरोबर शिवसेना (शिंदे गट) गटाचे उपतालुका प्रमुख व उडतरे गावचे दबंग नेतृत्व, कट्टर शिवसैनिक धनाजी बाबर यांच्या पत्नीस शिंदे गटाने उमेदवारी डावलून व शिंदे गटाने सपशेल माघार घेतल्यामुळे पाचवड गणातील शिंदे गटाच्या समर्थकांनी राजीनामे देत स्वगृही परतुन पाचवड पं.स. समिती गणातून धनाजी बाबर यांच्या पत्नी सौ.उज्वला बाबर यांना उमेदवारी दिली आहे. त्यामुळे भुईंज जिल्हा परिषद गटांमध्ये जि प व पंचायत समिती निवडणुकीत मोठा राजकीय भूकंप झाला आहे. यामुळे भुईंज गटातील जिल्हा परिषद व पंचायत समित पाचवड गणातील राजकीय गणिते बदलणार हे निश्चित आहे.
