प्रभात वृत्तसेवा सातारा – पोलीस दलातील हवालदार सचिन लावंड यांचं नुकतंच अल्पशा आजाराने निधन झालं. परंतु, निधनापूर्वीच त्यांनी व्हॉट्सप स्टेटसवर स्वतःच्या फोटोसह ठेवलेलं स्टेटस व्हायरल झाल्यानंतर आश्चर्य व्यक्त केलं जात आहे.जिल्हा पोलीस दलात हवालदार म्हणून कार्यरत असलेले सचिन लावंड (रा. दरूज, ता. खटाव) यांचं अल्पशा आजाराने निधन झालं आहे. मात्र, निधनापूर्वीच त्यांनी स्वतःच्या फोटोसह व्हॉट्सप स्टेटसवर ’सावडणे विधी दरुज येथे 4/12/2025 रोजी सकाळी 8 वाजता आहे’ असं लिहिलं होतं. हे स्टेटस व्हायरल झाल्यानंतर सहकार्यांनी चौकशी केली असता लावंड यांच्या निधनाची बातमी खरी असल्याचं समजलं. त्यांना काविळ झाली होती. आणि उपचारादरम्यान त्यांची प्रकृती खालावल्याने त्यांचे निधन झालं. सचिन लावंड हे सातारा पोलीस मुख्यालयातून काही दिवसांपूर्वीच पुसेगाव पोलीस ठाण्यात बदली होऊन आले होते. नवीन ठिकाणी रुजू होऊन अवघ्या चार दिवसांतच ते आजारी रजेवर गेले होते. रजेवर असतानाच त्यांना काविळ झाल्याचं निदान झालं.काविळ संपूर्ण शरीरात पसरल्याने त्यांची प्रकृती अधिकच गंभीर झाली होती आणि उपचारादरम्यान त्यांचे निधन झाले.सचिन लावंड यांच्या निधनाने पोलीस दलात हळहळ व्यक्त होत आहे.
