Health Tips: आपल्या दैनंदिन आहारात साखर अनेक प्रकारे येते जसे की, चहा, कॉफी, मिठाई, ब्रेड, स्नॅक्स… पण अनेक तज्ज्ञांच्या मते, साखर शरीरासाठी हानिकारक ठरू शकते. थकवा येणे, वजन वाढणे किंवा त्वचेच्या समस्या यांसारख्या तक्रारींच्या मागेही जास्त साखर कारणीभूत असते. म्हणूनच अनेक लोक 30 दिवस साखर सोडण्याचा प्रयत्न करतात. हे थोडे कठीण वाटते, पण शरीरात मोठे बदल घडवणारे ठरते. या काळात काही त्रास होऊ शकतो, पण त्याचे आरोग्यावर भरपूर फायदेही दिसतात. पहिल्या काही दिवसांत काय होतं? साखर सोडताच डोकेदुखी, चिडचिड, आणि मीठाईची तीव्र इच्छा जाणवू शकते. शरीराला डोपामाइनचा (आनंद देणाऱ्या हार्मोनचा) साखरमधला कृत्रिम बूस्ट मिळत नाही, त्यामुळे हा त्रास होतो. या काळात केळी, बेरी, खजूर, भिजवलेले बदाम यांसारखी नैसर्गिक गोड फळे खाल्ल्यास क्रेविंग कमी होऊ शकते. काही दिवसांत शरीर साखरेच्या व्यसनातून बाहेर येऊ लागते आणि ऊर्जा स्थिर वाटू लागते. पचनतंत्रावर दिसणारा मोठा बदल जास्त साखर घेतल्यास ती आतड्यातील वाईट बॅक्टेरियाला वाढवते, ज्यामुळे सूज, गॅस, अफारा आणि अपचन होते. साखर सोडताच, आतड्यातली सूज कमी होते गॅस, अॅसिडिटी आणि अपचन कमी होते कब्जातूनही आराम मिळतो पोट हलके वाटू लागते ऊर्जेचा स्तर स्थिर राहतो साखर घेतल्यावर ब्लड शुगर अचानक वाढतो आणि लगेच कमी होतो. त्यामुळे थकवा आणि आळस येतो. पण साखर सोडल्यावर, शरीर फॅट आणि प्रोटीनमधून ऊर्जा घेऊ लागते दिवसभर ऊर्जा स्थिर राहते रिकाम्या कॅलरीज बंद झाल्याने वजन कमी होऊ लागते, विशेषतः पोटाची चरबी कमी होते त्वचा उजळते आणि झोप सुधारते जास्त साखरेमुळे त्वचेतील सूज, मुरूम, आणि अकाली वार्धक्य वाढते. साखर सोडल्यावर, त्वचेतील सूज कमी होते चेहरा साफ, तजेला असलेला आणि चमकदार दिसू लागतो हार्मोन्स संतुलित होतात झोप खोल आणि शांत लागते हृदय आणि मानसिक आरोग्यावर प्रभाव ट्रायग्लिसराइड्स कमी होतात रक्तदाब नियंत्रणात येतो त्यामुळे हृदयाचे आजार होण्याचा धोका कमी होतो मानसिकदृष्ट्या कोर्टिसोल (ताण हार्मोन) कमी होऊन मूड स्विंग कमी होतात चिंता कमी होते मन शांत आणि स्थिर राहते साखर सोडण्याची सवय लागल्यावर मीठाईची तीव्र इच्छा आपोआप कमी होऊ लागते. सूचना हे बदल सामान्य स्वरूपाचे आहेत. कोणताही आरोग्यप्रयोग सुरू करण्यापूर्वी डॉक्टरांचा सल्ला घेणे आवश्यक आहे.
