NCP News : अजित पवार यांच्या अकाली निधनानंतर राष्ट्रवादी काँग्रेस पक्षात (अजित पवार गट) आंतरिक असंतोष (NCP News) वाढत चालला आहे. येत्या काळात पक्षातील मराठा समाजातील नाराज कार्यकर्ते रस्त्यावर उतरून वरिष्ठ नेत्यांविरोधात तीव्र आंदोलन करण्याच्या तयारीत असल्याची माहिती समोर आली आहे. या पार्श्वभूमीवर पुण्यात नाराज कार्यकर्त्यांची एक महत्त्वपूर्ण बैठक पार पडली, ज्यात पक्षातील वरिष्ठ नेत्यांविरोधात तीव्र नाराजी व्यक्त करण्यात आली. या बैठकीत (NCP News) लावण्यात आलेल्या फ्लेक्स बोर्डवर फक्त उपमुख्यमंत्री सुनेत्रा पवार, अजित पवार आणि पार्थ पवार यांचेच फोटो लावण्यात आले होते. पक्षाचे प्रदेशाध्यक्ष किंवा इतर कोणत्याही वरिष्ठ नेत्याचा फोटो नव्हता. यामुळे राजकीय वर्तुळात चर्चेला उधाण आले आहे. NCP News कार्यकर्त्यांनी स्पष्टपणे सांगितले की, “आम्ही फक्त सुनेत्रा पवार आणि पार्थ पवार यांनाच आमचे नेते मानतो.” त्यामुळे येत्या काळात त्यांच्या नेतृत्वाखाली वरिष्ठ नेत्यांना निवेदन देत आंदोलन छेडण्याचा इशारा देण्यात आला आहे. कार्यकर्त्यांनी पक्षातील असमान वागणुकीवर ताशेरे ओढले. “ठराविक मर्जीतील नेत्यांनाच संधी आणि बळ दिले जाते, मात्र आमच्यासारख्या ग्राउंड लेव्हलवरील कार्यकर्त्यांकडे सातत्याने दुर्लक्ष केले जाते,” अशी तीव्र नाराजी व्यक्त करण्यात आली. अजित पवार यांच्या निधनानंतर पक्षातील नेतृत्व आणि निर्णयप्रक्रियेवर प्रश्नचिन्ह उपस्थित झाले आहे. उदय आहेर यांची तीव्र टीका नाराज कार्यकर्त्यांपैकी एक प्रमुख कार्यकर्ते उदय आहेर यांनी बैठकात बोलताना सांगितले की, अजित पवार यांच्या निधनानंतर कोणत्याही वरिष्ठ नेत्याने आवाज उठवला नाही. फक्त अमोल मिटकरी यांनीच भूमिका मांडली. “आमचा राजकीय आधारच हरपला आहे. आमच्याकडे लक्ष देणारा कोणीच उरलेला नाही,” असे ते म्हणाले. याशिवाय, काही कार्यकर्त्यांनी “अजित पवार यांच्या मृत्यूबाबत घातपाताची शक्यता आहे का?” असा सवाल उपस्थित केला. “आम्ही आंदोलनाचा मार्ग स्वीकारणार आहोत,” अशी ठाम भूमिका उदय आहेर यांनी मांडली. दरम्यान, रुपाली पाटील यांनी राज्य महिला आयोगाच्या पदाचा राजीनामा घेतला गेला,मात्र पक्षाच्या (NCP News) महिला प्रदेशाध्यक्षांचा राजीनामा का घेतला नाही? त्यांना नेमका कोणाचा पाठिंबा आहे.हे सर्वांना माहिती आहे,असेही कार्यकर्त्यांनी म्हटले.
