Nora Fatehi: आज बॉलीवूडमध्ये ‘डान्सिंग क्वीन’ म्हणून ओळखली जाणारी नोरा फतेही इथपर्यंत पोहोचण्यासाठी तिला प्रचंड संघर्ष करावा लागला. आज तिचा डान्स लाखो लोक पाहतात, पण एक काळ असा होता जेव्हा तिने पोटासाठी अक्षरशः एक अंड आणि एक चपातीवर दिवस काढले. कॅनाडामध्ये जन्मलेल्या नोरा फतेहीने लहान वयातच नोकरी सुरू केली होती. आर्थिक परिस्थिती बेताची असल्यामुळे अवघ्या 16व्या वर्षी ती काम करू लागली. सुरुवातीला तिने मॉलमध्ये सेल्स गर्ल म्हणून काम केलं. त्यानंतर कॉफी शॉपमध्ये वेटर म्हणूनही तिने नोकरी केली. Nora Fatehi इतकंच नाही तर नोरा टेलीकॉलर म्हणूनही काम करत होती. त्या काळात ती फोनवरून लॉटरीची तिकीट विकायची. या कामातून तिला पगारासोबत इन्सेन्टिव्हही मिळायचं. मात्र हे काम ती फक्त सहा महिनेच करू शकली. नोरा फतेही केवळ 5 हजार रुपये घेऊन भारतात आली होती. भारतात आल्यानंतर तिचं आयुष्य आणखी कठीण झालं. मुंबईत ती 9 जणांसोबत तीन बेडरूमच्या फ्लॅटमध्ये राहत होती. दोन मुलींसोबत एकाच खोलीत तिला राहावं लागायचं. त्या दिवसांची आठवण करताना नोरा अनेकदा भावुक होते. तिच्या सुरुवातीच्या काळात ती दिवसातून फक्त एक अंड आणि एक चपाती खायची. मिळणाऱ्या कामातून एजंट मोठा हिस्सा कापून घ्यायचे, त्यामुळे हातात फारसे पैसे उरत नव्हते. नोरा एका पारंपरिक कुटुंबातून येते. घरात डान्स करण्याला परवानगी नव्हती. त्यामुळे ती खोलीत लपून-छपून डान्सचा सराव करायची. ऑडिशनसाठी बाहेर जाताना हिंदी भाषा येत नसल्यामुळे तिला खूप अडचणी आल्या. अनेकदा लोक तिची थट्टा करायचे, वाईट कमेंट्स करायचे आणि त्यामुळे ती रडायचीसुद्धा. Nora Fatehi नोऱ्यासाठी ‘बिग बॉस’ हा शो आयुष्य बदलणारा ठरला. ‘बिग बॉस 9’ मध्ये वाइल्ड कार्ड एन्ट्रीनंतर तिची ओळख घराघरात पोहोचली. तिच्या डान्स परफॉर्मन्सने प्रेक्षकांची मनं जिंकली आणि त्यानंतर बॉलीवूडचे दरवाजे तिच्यासाठी खुले झाले. ‘दिलबर’, ‘ओ साकी साकी’, ‘कमरिया’ यांसारख्या गाण्यांनी नोऱ्याला प्रचंड लोकप्रियता मिळवून दिली. विशेष म्हणजे तिने कुठलीही प्रोफेशनल ट्रेनिंग न घेता इंटरनेटवरील व्हिडिओ पाहून बेली डान्स शिकला. आज नोरा फतेही सोशल मीडियावरही खूप लोकप्रिय आहे. तिचा प्रत्येक डान्स व्हिडिओ व्हायरल होतो. संघर्ष, मेहनत आणि जिद्दीच्या जोरावर तिने स्वतःची वेगळी ओळख निर्माण केली आहे.
