Border 2 Box Office : गेल्या काही दिवसांपासून बॅार्डर २ चित्रपटाची मोठी उत्सुकता होती. अखेर हा चित्रपट प्रजासत्ताक दिनाच्या पूर्वसंध्येला देशभरातील चित्रपटगृहात प्रदर्शित झाला आहे. प्रदर्शनाच्या पहिल्याच दिवशी चित्रपटाने धुरंधरचे रेकॅार्ड मोडले आहे. १९९७ मध्ये जे.पी. दत्तांचा बॅार्डर हा चित्रपट प्रदर्शित झाला होता. त्याकाळी या चित्रपटावर प्रेक्षकांनी भरभरून प्रेम केले. आता तब्बल २९ वर्षानंतर बॅार्डरचा सिक्वल आला असून, बॅार्डर २ या नावाने चित्रपट प्रदर्शित झाला आहे. प्रदर्शनाच्या पहिल्याच दिवशी प्रेक्षकांचा चांगला प्रतिसाद चित्रपटाला मिळत आहे. या चित्रपटातून अभिनेता सनी देओलने पुन्हा एकदा धडाकेबाज एंन्ट्री केली आहे. चित्रपटाची समीक्षणे समोर येत असून, अनेकजण चित्रपटाचे कौतुक करत आहेत. देशभक्ती आधारित कथेवर तयार करण्यात आलेल्या बॅार्डर २ ने प्रेक्षकांशी भावनिक नाते तयार केले आहे. हे या चित्रपटाचे लोकप्रियतेचे मुख्य कारण असल्याचे सांगितले जात आहे. हेही वाचा : Sahar Sheikh Apology | “मुंब्रा को हरा बना देंगे” म्हणणाऱ्या सहर शेखचा माफीनामा; भाजप नेत्याने दिली माहिती ‘बॉर्डर २’ने अॅडव्हान्स बुकिंगमध्येही जबरदस्त कमाई केली आहे. प्रदर्शनाच्या एक दिवस आधीच तब्बल ४ लाख तिकीटांची विक्री झाली होती. पुढील २४ तासांत ही संख्या दुप्पट होईल. ट्रेड वेबसाइट Sacnilk च्या अहवालानुसार, ‘बॉर्डर २’ने पहिल्या दिवशी सुमारे ३० कोटी रुपयांची कमाई केली आहे. त्यामुळे पहिल्याच ओपनिंग डेच्या दिवशी बॅार्डर २ ने धुरंधरचे रेकॅार्ड मोडले आहे. बॅार्डर २ ने मोडला धुरंधरचा रेकॅार्ड पुढील काही दिवसामध्ये ट्रेड तज्ञांच्या मते, ‘बॉर्डर २’ची कमाई पुढील काही दिवसांमध्ये वाढणार आहे. त्यामुळे चित्रपटाला पहिल्याच वीकेंडला १०० कोटींचा गल्ला गोळा करण्यात यश येणार का हे पाहणे औत्सुक्याचे ठरणार आहे. या चित्रपटात वरुण धवन, अहान शेट्टी आणि दिलजीत दोसांझ प्रमुख भूमिकेत दिसत आहेत. चित्रपटाची कथा १९७१ च्या भारत-पाकिस्तान युद्धावर आधारित आहे. हेही वाचा : Kareena Kapoor : बेबोचा कॅज्युअल लूक! मुंबई एअरपोर्टवर झाली स्पॅाट; व्हिडिओ व्हायरल
